ÉXODO 10:26 - Dios Rimashca Shimicunami

²⁶ Ñucanchijca ñucanchij animalcunataca apashpami rina canchij. Shuj sillullapish mana saquiringachu. Chai animalcunamanta agllashpa japishpami, ñucanchijta Mandaj Diospajta rurana canchij. Chaiman chayashpa Mandaj Diospajta rurana punllacama maijan animalta agllashpa cuna cashcataca mana yachanchijchu– nircami.

ÉXODO 10:26 Iomraidhean Croise

ÉXODO 10:25

Shina nijpi Moisesca: –Ñucanchijta Mandaj Diosman animalcunata cunapajpish, cushpa tucui rupachinapajpish ¿canchari cunguiyari?.

ÉXODO 10:9

Shina nijpi Moisesca: –Ñucanchij Mandaj Diospaj jatun fiestapi alabana cashcamantaca ñucanchijca ñucanchij huahuacunandij, ñucanchij yuyaj yayacunandij, ñucanchij churicunandij, ñucanchij ushushicunandij, ñucanchij ovejacunandij, ñucanchij vacacunandijmi rina canchij– nircami.

ÉXODO 12:32

Cancuna nishca shinallataj cancunapaj ovejacunatapish, vacacunatapish apashpa richij. Ñucatapish alli cashca cachun ninguichij– nircami.

ÉXODO 8:27

Ñucanchijca shitashca pambaman quimsa punllata rishpami, ñucanchijta Mandaj Dios mandashca shinallataj animalcunata paiman cushpa rupachishun– nirca.

PROVERBIOS 3:9

Can imalla charishcacunahuanpish, Mandaj Diosta jatunyachingui. Cambaj chagracunapi punta p'ucushca tucui granocunamantapish paimanraj cungui.

ISAÍAS 23:18

Chashna cashpapish paicuna c'atushpa randishcamanta japishcacunataca Mandaj Diospajllami ch'icanchingacuna. Chaicunataca mana paicunapaj huaquichingacunachu, mana paicunapaj mirachingacunachu. Paicuna c'atushcamanta japishcacunaca Mandaj Diospajta rurajcunapajmi canga. Paicuna pajtata micunapaj allita churarinapajmi canga.

OSEAS 5:6

Paicunapaj ovejacunata, vacacunata apashcami Mandaj Diosta mashcashpa puringacuna. ¡Mandaj Diosca paicunamanta anchurishcamanta mana japingacunachu!

ZACARÍAS 14:20

Chai punllapica, caballocunaca: “Jucha illaj Diospajmi” nishpa quillcashca campanacunatami aparishca cangacuna. Shinallataj Diospaj huasipi caj mangacunapish, altar c'uchupi tiyacuj tasacuna shinallatajmi canga.

2 Corintios 8:5

Mana ñucanchij yuyashca shinallachu, ashtahuanpish yallitamari curcacuna. Dios munashca shinami paicunallataj Mandaj Jesusmanraj curircacuna, chai q'uipaca ñucanchijmanpishmi curircacuna.

Hebreos 11:8

Crishcamantami Abrahampish Dios cayajpica, cazushpa paiman cuna cashca llajtata japinamanca, maiman ricushcata mana yachashpapish, paipaj llajtamanta llujshishpa rircalla.