ÉXODO 10:25 - Dios Rimashca Shimicunami

²⁵ Shina nijpi Moisesca: –Ñucanchijta Mandaj Diosman animalcunata cunapajpish, cushpa tucui rupachinapajpish ¿canchari cunguiyari?.

ÉXODO 10:25 Iomraidhean Croise

GÉNESIS 8:20

Chai q'uipaca Noeca, Mandaj Diospaj shuj altarta rurashpami, chuya animalcunataca alasyuj tucui chuya animalcunatapish, tucui caishuj chuya animalcunatapish Taita Diosman cushpa altar jahuapi tucuita rupachirca.

ÉXODO 10:24

Chaimi faraonca Moisesta cayachishpaca: –Cancunapaj huahuacunatapish pushashpa Mandaj Diospajta ruragrichijlla. Cancunapaj ovejacunata, vacacunallata saquishpa richij– nirca.

ÉXODO 10:26

Ñucanchijca ñucanchij animalcunataca apashpami rina canchij. Shuj sillullapish mana saquiringachu. Chai animalcunamanta agllashpa japishpami, ñucanchijta Mandaj Diospajta rurana canchij. Chaiman chayashpa Mandaj Diospajta rurana punllacama maijan animalta agllashpa cuna cashcataca mana yachanchijchu– nircami.

ÉXODO 20:24

Cancunaca ñucapaj allpa altarta rurashpa ñucaman cushpa tucui rupachinatapish, ñucahuan alli cangapaj cunatapish cancunapaj ovejacunata, cancunapaj vacacunata chai altar jahuapi cunguichij. Maipimi ñuca shutita yuyaringuichij nishpa mandani chaipitaj ñuca shutita yuyaricujpica ñucaca cancunapajman shamushpami alli cashca cachun nisha.

LEVÍTICO 16:9

Sorteajpi Mandaj Diospaj urmashca c'ari chivotaca, Aarón apamuchishpa juchamanta cuna cashcata cuchun.

LEVÍTICO 9:22

Israelcunapaj juchamanta cunatapish, tucuita cushpa tucui rupachinatapish, sumaj causaimanta Mandaj Diosman cushca q'uipaca Aaronca paipaj maquita huichi chutashpami, israelcunataca tucuipi alli cashca canguichij nirca. Chai q'uipaca chaimanta uriyarcallami.