ÉXODO 10:16 - Dios Rimashca Shimicunami

¹⁶ Chaimi faraonca Moisesta, Aaronta utca cayaj cachashpaca: –Ñucaca mana allita rurashpami, cancunata Mandaj Diostapish, cancunatapish p'iñachishpa juchallishcani.

ÉXODO 10:16 Iomraidhean Croise

2 SAMUEL 19:20

Cambajta ruraj ñucaca mana allita rurashcata rijsirinimi. Chaimi Josepaj huahua huahuapuramantaca, ñucaraj jatun mandaj ñuca amota tupanaman punta shamurcani– nircami.

2 SAMUEL 24:10

Tucui israelcunata quillcashpa yupashca q'uipami Davidca, mana allita rurashcata paipaj shungupi yuyarishpa Mandaj Diostaca: –Cashna rurashpaca yallitaj mana allitami rurashcani. Mandaj Dioslla cambajta ruraj ñuca juchallishcata anchuchipailla nishpami rogani. Ñucaca upa shinami chashna rurashcani– nirca.

2 SAMUEL 24:17

Gentecunata chingachicuj angelta ricushpami, Davidca Mandaj Diostaca: –¡Ñucamari juchallircani. Ñucamari millaita rurarcani! Cai ovejacunaca ¿imatataj rurarcacunari? ¡Paicunata llaquichinapaj randica ñucata, ñuca yayapaj huasi ucupuracunata llaquichiyari!– nirca.

ÉXODO 8:25

Chaimi faraonca Moisesta, Aaronta cayashpaca: –Cancunapaj Diosmanca cai llajtallapitaj sacrificiocunata cunaman richij– nirca.

ÉXODO 8:8

Chaimi faraonca Moisesta, Aaronta cayashpaca: –Ñucamantapish, ñuca mandacun gentecunamantapish, sapocunata anchuchichun Mandaj Diosta mañaichij. Chaipimi israelcunataca Mandaj Diosman sacrificiocunata cunaman richun saquisha– nirca.

ÉXODO 9:27

Chaimi faraonca Moisesta Aaronta cayanaman cachashpaca: –Cunantajca juchallishcanimi. Mandaj Diosca cashcata rurajmi. Ashtahuanpish ñucapish, ñuca mandacun gentecunamari Diosta mana manchajcuna cashcanchij.

PROVERBIOS 28:13

Juchacunata pacaj runaca, mana alli causai tucungachu. Ashtahuanpish tucuita huillashpa, chai juchacunata saquijca, Taita Dios llaquishcami canga.

NÚMEROS 21:7

Chaimi israelcunaca Moisespajman rishpa cashna nircacuna: –Ñucanchijca Mandaj Diostapish, cantapish juchachishpa rimashpaca, juchallishcanchijmari. Cunanca chai culebracunata ñucanchij c'uchumanta anchuchichun Mandaj Diosta mañapai– nijpimi israelcunamanta Moisés mañajpica,

NÚMEROS 22:34

Chaimi Balaamca, Mandaj Diospaj angeltaca: –Ñucaca juchallishcanimari. Cai ñanpi quiquin ñuca ñaupajpi jarcacushcataca mana yachashcanichu. Ashtahuanpish cunanca ñuca chaiman rina quiquinpi mana alli cajpica tigrashalla– nirca.

Mateo 27:4

cashna nishpa tigrachigrirca: –Ima millaita mana ruraj runata huañuchichun entregashpaca ñucaca juchallishcanimari– nijpi, paicunaca: –¿Ñucanchijpajca imataj cangapish? ¡Chaitaca can ricui!– nijpimi,

1 SAMUEL 15:24

Chaimi Saulca Samuelmanca: –Juchallishcanimari. Mandaj Dios mandashcacunata, can imalla nishcacunatamari mana cazushcani. Ñuca soldadocunata manchashcamantami, paicuna rurashun nishcata rurachun saquircani. Cunanca ñuca juchallishcata perdonashpa,

1 SAMUEL 15:30

Saulca: –Ñucaca juchallishcanimari. Shina cajpipish, israelcunata cunaj yuyajcunapaj ñaupajpipish, tucui israelcunapaj ñaupajpipish jatun mandaj cashca shinallatataj ñucataca alli nishpa, canta Mandaj Diosta adorangapaj ñucahuan tigrashunlla– nircami.

1 SAMUEL 26:21

Chaimi Saulca: –Ñucaca juchallishcanimi. Upa shina tucushpamari jatun mana allita rurashcani. Canca ñuca causaita c'uyashpamari mana huañuchishcangui. Cunanca ñuca huahua David ima mana allita mana rurashachu tigramuilla– nirca.