ÉXODO 10:15 - Dios Rimashca Shimicunami

¹⁵ Langostacuna Egipto llajtata tucui tapajpica tucui chai llajta allpami amsayarca. Chai llajtapi tiyaj tucui q'uihuacunata rundu mana tucui tucuchishca yuracunapi saquirij granocunatapish tucui micujpimi, tucui Egipto llajtapica yuracunapi ima verdijllacunapish, Egipto llajtapi tiyaj tucui q'uihuacunapish ima mana saquirirca.

ÉXODO 10:15 Iomraidhean Croise

SALMOS 78:46

Egipciocunapaj p'ucushca granocunataca oruga c'urucunamanmi curca. Paicunapaj trabajashca chagracunatapish langostacunamanmi curca.

ÉXODO 10:12

Chaimi Mandaj Diosca, Moisestaca: –Rundu mana tucuchishca granocunata langostacuna tucui micuchun, Egipto llajta jahuata cambaj maquita chutashpa langostacunata pushamui– nirca.

ÉXODO 10:5

tucui allpata tapangacuna. Allpataca mirgallatapish maipi mana ricuipajmi canga. Chaicunami rundumanta saquirishca granocunatapish tucuita micunga. Yurapi huiñacujcunatapish tucuimi micunga.

PROVERBIOS 30:27

Langostacunapish jatun mandajta mana charishpapish, ch'ican ch'ican achcacunapura tandanacushpami shamuncuna.

JOEL 1:4

Cancuna tarpushca granocunamanta oruga c'urucuna mana tucui micushcataca, p'ichachaucunami micurca. P'ichachaucuna mana tucui micushcataca, revoltón c'urucunami micurca. Revoltón c'urucuna mana tucui micushcataca, langostacunami micushpa chingachirca.

JOEL 2:25

Oruga c'urucunapish, p'ichachaucunapish, revoltón c'urucunapish, langosta c'urucunapish ñuca soldadocuna cajpimi, cancunata llaquichichun cacharcani. Paicunami tucui granocunata micushpa tucuchirca. Paicuna micushcamantaca, cancunamanca yallitami cutichisha.

AMÓS 7:2

Chai langostacuna ñalla tucuita micucujta ricushpami ñucaca: –¡Mandaj Jatun Dioslla, perdonahuailla! Yaya Jacobopaj huahua huahuacunaca ashallamari ¿pitaj ayudai tucungari?– nishpami mañarcani.

NÚMEROS 22:5

Paimi Beorpaj churi Balaamta cayamuchun cacharca. Balaamca, paipaj llajtapuracuna causan jatun yacu c'uchupi caj Petor pueblopimi causarca. Chai pueblomanmi Balacca, Balaamta cayamuchun cashna nishpa cacharca: “Egiptomanta llujshimuj gentecuna shamushpami cai llajtacunapi jundashpa, ñuca llajta ch'imbapurapi causacun.