ÉXODO 1:7 - Dios Rimashca Shimicunami

⁷ Israelcunaca mirarishpa yallitaj achcacuna tucushpami, Egiptopica jundarircacuna. C'ari c'aricunapishmi tucurcacuna.

ÉXODO 1:7 Iomraidhean Croise

GÉNESIS 1:20

Taita Diosca: “Yacupi causai tucuipaj tucui laya animalcuna, huairata purij alasyuj tucui laya animalcuna tiyachun” nircami.

GÉNESIS 1:28

Taita Diosca paicunata alli cashca cachun nishpaca: “Huahuacunayuj tucushpa, alli huiñachishpa achcata mirarishpa cai pachapi jundarishpa cai pachata mandanguichij. Yacupi causaj animalcunatapish, huairapi purij alasyuj animalcunatapish, allpapi purij tucui animalcunatapish cancuna mandanguichij” nircami.

GÉNESIS 12:2

Canmantaca shuj jatun llajtatami rurasha. Cambaj shutitaca alli nishca cachun, jatun nishca cachunmi churasha. Canmantami tucui shujtajcunapish alli nishca cangacuna.

GÉNESIS 13:16

Cambaj huahua huahuacunataca ñutu allpa shina cachun achcatami mirachisha. Ñutu allpata maijanpish yupai tucujpica, cambaj huahua huahuacunatapish yupashcami canga.

GÉNESIS 15:5

Mandaj Diosca, Abramtaca canllaman llujshichishpami: –Jahua pachata ricui. Yupai tucushpaca, chai luzerocunata yupai– nirca. Mandaj Diosca: –Cambaj huahua huahuacunaca chashnamari canga– nircami.

GÉNESIS 17:16

Paitaca ñucami ashtahuan alli cashca cachun nisha. Paimantami canmanpish shuj c'ari huahuata cusha. Paica achca llajtacunapaj mamami tucunga. Llajtacunata jatun mandajcunapish paimantami huacharinga– nircami.

GÉNESIS 22:17

Cantaca alli cashca cachun nishatajmi. Cambaj huahua huahuacunataca jahua pachapi caj luzerocunata shina, mama cucha uripi tiyaj t'iyu allpata shinami yallitaj mirachisha. Cambaj huahua huahuacunami paicunata p'iñajcunataca mishanga.

GÉNESIS 26:22

Isaacca chaimantapish rishpaca, shujtaj pugyutami allachirca. Chai pugyumantaca pi mana imata nijpimi: “Chai pugyutaca Rehobotta” shutichirca. Mandaj Diosmari ñucanchijmanca ashtahuan mirachin. Chaimanta cunanca: “Cai llajtapica achcatamari charijyashun” nishpami chashna shutichirca.

GÉNESIS 26:4

Cambaj huahua huahuacunataca jahua pacha luzerocunata shina yallitaj achcata mirachishpami, tucui chai llajtacunataca cambaj huahua huahuacunaman cusha. Cambaj huahua huahuacunamantami tucui llajtacuna alli nishca canga.

GÉNESIS 28:14

Cambaj huahua huahuacunaca, ñutu allpa shinami canga. Inti llujshin ladomantaca, inti huashicun ladocama, janaj ladomantaca, ura ladocamami mirarishpa causangacuna. Canmanta, cambaj huahua huahuacunamantami tucui cai pachapi causajcunaca alli nishca cangacuna.

GÉNESIS 35:11

Taita Diosca chaillapitajmi cashnapish nirca: “Ñucaca Ñucalla Tucuita Rurai Tucuj Taita Diosmi cani. Canca huahuacunayuj tucushpa achcata mirarilla. Canmantami shuj jatun llajtapish, achca aillucunapish tucunga. Cambaj huijsamanta llujshishca huahua huahuacunaca jatun mandajcunami canga.

GÉNESIS 46:3

Chaipimi Taita Diosca: –Ñucaca cambaj yayapaj Taita Diosmi cani. Egiptoman uriyanataca ama manchaichu. Chaipimi canmantaca jatun llajtata rurasha.

GÉNESIS 47:27

Israelcunaca Egiptopica Gosenpi allpacunata japishpami chaipi causarcacuna. Chaipimi paicunaca yallitaj achcata mirarircacuna.

GÉNESIS 48:16

tucui llaquicunamanta ñucata llujshichij Ángel, cai huahuacunataca alli cashca cachun nichun. Ñuca shutitaca paicunapi huiñaita rijsichun. Ñuca ñaupa yaya Abrahampaj, Isaacpaj shuticunatapish paicunapi huiñaipaj rijsichun. Cai pachapica achcacuna tucushpa yallitaj mirarishca cachun” nircami.

GÉNESIS 48:4

cashna nirca: Ñucami cantaca achca huahuacunayujta rurasha. Yallitaj achcatami mirachisha. Cambaj huahua huahuacunamantaca achca llajtacunami tucunga. Cai llajtataca cambaj huahua huahuacunapaj huiñaipaj cachunmi cusha nircami.

GÉNESIS 9:1

Taita Diosca Noetapish, paipaj churicunatapish alli cashca cachun nishpaca: “Huahuacunayuj tucushpa, alli huiñachishpa achcata mirarishpa cai pachapi jundarichij.

NEHEMÍAS 9:23

Israelcunataca jahua pacha luzerocunata shinami mirachishcangui. Paicuna mirarijpica paicunapaj ñaupa yayacunaman quiquin cusha nishca llajtapi causachunmi, chai llajtaman pushashcangui.

SALMOS 105:24

Chaipimi, Taita Diosca pai agllashcacunataca yallitaj mirachirca. Paicunata p'iñajcunata yalli c'ari c'aricunatami rurarca.

SALMOS 107:38

Taita Diosca paicunataca alli ninmi, yallitaj achcatami mirachin. Paicunapaj animalcunatapish mana ashallayachinchu.

ÉXODO 1:12

Chashna yallitaj llaquichijpipish israelcuna ashtahuan, ashtahuan mirarijpimi, egipciocunaca israelcunataca achcata mancharcacuna.

ÉXODO 12:37

Israelcunaca Ramesés pueblomanta llujshishpaca, Sucot pueblomanmi rircacuna. Paicunaca huahuacunata mana yupashcami chaquillahuan rij 600.000 runacuna carca.

ÉXODO 5:5

Faraonca cashnapish nircami: –Cunanca israelcunaca cai llajtapica yallitaj achcacunami. Paicunataca chai tucuicunatachu paicuna trabajacunmanta saquichishun ninguichij– nircami.

EZEQUIEL 16:7

Cantaca urcupi tiyaj q'uihuata shinami mirachircani. Ña huiñashpa jatunyashpaca, sumaj huarmimi tucurcangui. Cambaj chuchucunapish, ajchapish huiñarcami. Shina cashpapish churana illaj, lluchullami carcangui.

Hechos 13:17

Ñucanchij israelcunapaj Taita Diosca, ñucanchij ñaupa yayacunatami agllarca. Paicunataca Egipto llajtapica, carumanta rishcallacuna cajpipish achcatami mirachirca. Chai q'uipaca Taita Diosca tucuita rurai tucuj cashcahuanmi Egiptomantaca llujshichirca.

DEUTERONOMIO 10:22

Cancunapaj ñaupa yayacunaca, Egiptomanca canchis chungacunallami yaicurcacuna. Ashtahuanpish cunanca Mandaj Diosca cancunataca jahua pachapi caj luzerocunata shina achcatami mirachishca.

DEUTERONOMIO 26:5

Chaipica, Mandaj Dios cancunapaj Taita Diospaj ñaupajpi cashna ninguichij: Ñucanchij ñaupa yayaca arameo maiman chayanata mana yachashpa chingarinalla puricushpami, paica Egipto llajtaman uriyashpa ashalla runacunahuan chaipi causarca. Chaipimi achcata mirarishpa c'ari c'ari yallitaj achca jatun mama llajta tucurca.