ÉXODO 1:6 - Dios Rimashca Shimicunami

⁶ Josepish, tucui paipaj huauquicunapish, tucui paihuan huiñai shujtaj runacunapish ñami huañurcacuna.

ÉXODO 1:6 Iomraidhean Croise

GÉNESIS 50:24

Shuj punllaca Joseca paipaj huauquicunataca: “Ñucaca ñami huañugrini. Taita Dios cancunata ricuj shamushpami, cancunataca cai llajtamanta huichiyachishpa Abrahamman, Isaacman, Jacobman cushatajmi nishca llajtaman pushanga” nircami.

GÉNESIS 50:26

Joseca, 110 huatacunayuj cashpami huañurca. Paitaca sumaj mishquijllata ashnaj jambicunahuan churashpami, shuj ataudpi churashpa Egiptopi churarcacuna.

ECLESIASTÉS 1:4

Shujcunaca huacharincuna, shujcunaca huañuncunami. Ashtahuanpish cai pachaca manataj shujtajyanchu.

JUECES 2:10

Josuehuan huiñai israelcunapish huañushpami paicunapaj ñaupa yayacunahuan tandanacugrirca. Q'uipa huiñai israelcunaca Mandaj Diostaca mana rijsircacunachu. Israelcunapaj pai imalla rurashcatapish mana yacharcacunachu.