ÉXODO 1:21 - Dios Rimashca Shimicunami

²¹ Chai partera huarmicunaca Taita Diosta manchaj cajpimi, Taita Diosca paicunapaj familiacunataca ashtahuan mirachirca.

ÉXODO 1:21 Iomraidhean Croise

1 REYES 11:38

Canca ñuca imallata mandashcacunata uyashpa, ñuca ñanpi purijpi, ñucapajta ruraj David rurashca shina chaitataj pajtachichun nishcata, ñuca mandashcacunata huaquichishpa, mana maiman ch'icanyashpa chaitataj rurajpica, ñucaca canhuanmi casha. Davidpaj huahua huahuacunapaj mandanata pi mana cuyuchipajta churashca shinallatajmi, cambaj huahua huahuacunapaj mandanatapish pi mana cuyuchipajta churashpa israelcunataca cambaj maquipi churasha.

1 REYES 2:24

“Ñuca yaya Davidman cambaj huahua huahuacunatami mandaj cachun churasha nishca shinallatajmi Mandaj Diosca Davidpaj jatun tiyanapica pi mana cuyuchipajta ñucata churarca. Pai Mandaj Diosca causajmi. Adoniasca cunantajmi huañunga” nircami.

SALMOS 112:1

Mandaj Diosta manchaj runaca cushichishcami. Pai mandashcacunapimi jatunta cushicun.

SALMOS 127:1

Mandaj Dios mana huasichijpica, huasichijcunaca yangallami trabajancuna. Mandaj Dios pueblota mana cuidacujpica, cuidajcunaca yangallami mana dormishpa cuidancuna.

SALMOS 127:3

Huahuacunaca Mandaj Diosmanta herenciamari. Huijsamanta llujshishca huahuacunaca Dios cushca sumajmari.

SALMOS 37:3

Mandaj Diospi shunguta churai, imatapish allita rurai. Quiquin llajtapimi causangui. Cashcata ruraj canahuan junda cai.

ÉXODO 1:17

Partera huarmicunaca Taita Diosta manchashcamantami, Egipto llajtata jatun mandaj mandashca shina mana rurashpa c'ari huahuacuna cajpipish mana huañuchishpa saquircallacuna.

PROVERBIOS 24:3

Alli yachaihuanmi huasita shayachirin. Alli yuyaihuan shayachishcataca, ima mana cuyuchipajchu.

ECLESIASTÉS 8:12

Juchata ruraj runaca, mashna cutin millaita rurashpapish, unita causanllami. Shina cashpapish ñucaca Diospaj munaita rurajcuna, paipaj ñaupajpi cazushpa causajcunapish alli llujshina cashcatapish yachanimi.

JEREMÍAS 35:2

“Recabpaj huahuacunapaj huasiman rishpa paicunahuan rimagri. Chaimantaca ñuca huasiman yaicuchishpa, jahua ucucunaman maijan ucumanpish huichiyachishpa vinota ubyachun cui” nircami.

1 SAMUEL 2:35

Paipaj randica ñuca shungu ñuca yuyai munashca shinata chaitataj pajtachij shuj curatami churasha. Paipaj huasi familiataca unicama catichun sinchitami rurasha. Paicunaca punllantami ñuca churashca jatun mandajpajta rurangacuna.

1 SAMUEL 25:28

Cambajta ruraj ñuca p'iñachishcacunata perdonapai. Can ñuca amoca Mandaj Dios mandajllapimi macanacungui. Tucui cambaj causaipi ima llaqui mana tiyangachu. Can ñuca amopaj tucui huasi familiaca huahua huahua huiñai huiñaita sinchi caticuchunlla.