ÉXODO 1:20 - Dios Rimashca Shimicunami

²⁰ Partera huarmicunata Taita Dios allita rurachijpimi, israelcunaca yallitaj mirarishpa c'ari c'ari tucurcacuna.

ÉXODO 1:20 Iomraidhean Croise

SALMOS 103:11

Paita manchajcunapajca, cai pachamanta jahua pachacamami, pai llaquij cashcataca jatunyachirca.

SALMOS 111:5

Paita manchajcunamanca micunata cujmi. Pai imata ari nishcataca manataj cungaringachu.

SALMOS 145:19

Paita manchajcuna imata yuyarishcataca pajtachingami. Paicuna mañashcata uyangami. Paicunataca quishpichingami.

SALMOS 61:5

Taita Dios quiquinman ñuca imallata cuna tucushcacunataca uyarcanguimi. Ñucamanca quiquinpaj shutita manchajcuna japina cashcatami cushcangui.

SALMOS 85:9

Paita manchajcunata quishpichinaca ña c'uchuyamushcatajmi. Ñucanchij llajtapi, pai sumaj cashcahuan causanamari c'uchuyamucun.

ÉXODO 1:12

Chashna yallitaj llaquichijpipish israelcuna ashtahuan, ashtahuan mirarijpimi, egipciocunaca israelcunataca achcata mancharcacuna.

ÉXODO 1:19

Partera huarmicunaca faraontaca: –Hebrea huarmicunaca mana egipcia huarmicuna shinachu. Ashtahuanpish paicunaca alli sinchi huarmicuna cashcamanta, partera manaraj paicunapajman chayajpimari huachanllacuna– nircacunami.

ÉXODO 1:7

Israelcunaca mirarishpa yallitaj achcacuna tucushpami, Egiptopica jundarircacuna. C'ari c'aricunapishmi tucurcacuna.

PROVERBIOS 11:18

Diosta mana manchaj runaca, umarishpami causan. Ashtahuanpish allita tarpucujca, mana tucurij allicunatami japinga.

PROVERBIOS 19:17

Maijanpish huajcha runata llaquishpa imata cushpaca, Mandaj Diosman mañachishca shinami. Chai allita rurashcamantaca, cutichishcami canga.

ECLESIASTÉS 8:12

Juchata ruraj runaca, mashna cutin millaita rurashpapish, unita causanllami. Shina cashpapish ñucaca Diospaj munaita rurajcuna, paipaj ñaupajpi cazushpa causajcunapish alli llujshina cashcatapish yachanimi.

ISAÍAS 3:10

Cashcata rurajtaca tucui imapipish allimi ringui ni. Quiquin maquihuan rurashcatami micunga.

Mateo 10:42

Cai imapish mana caj shinaman ñucata caticuj cashcamanta paicunaman vaso chiri yacullatapish cujmanca, Taita Diosca pai japina cashcataca cungatajmi. Chashnatajmi canga.

Mateo 25:40

Chaipica jatun Mandajpish: “Tucuimanta yalli uchilla ñuca huauquicunapaj ima allita rurashpaca, ñucapajmari rurarcanguichij” ningami. Chashnatajmi canga.

Lucas 1:50

¡Paita manchajcunataca huahua huahuacunatami llaquishpa c'uyacungalla!

Hebreos 6:10

Diosca cashcata ruraj cashcamantaca, cancunapaj rurashcacunata paipaj shutipi c'uyaihuan trabajashpa ricuchishcata, jucha illajcunapajta rurashpa cunancamapish ruracushcamantaca manataj cungaringachu.