ÉXODO 1:14 - Dios Rimashca Shimicunami

¹⁴ Paicunataca lodota rurachishpa ladrillocunata rurachishpa, allpapi sinchita trabajachishpa, shujtaj imata ruranacunapipish yallitaj llaquichishpa trabajachishpami mana maita causaipajta rurarcacuna.

ÉXODO 1:14 Iomraidhean Croise

GÉNESIS 15:13

Chaipimi Mandaj Diosca Abramtaca: –Cambaj huahua huahuacunaca shujtaj llajtapimi causagringa. Chai llajtapi causajcunapajta rurajmi canga. Paicunaca 400 huatacunatami yallitaj llaquichishca causangacuna. Chaica chashnatajmi canga nirca.

1 REYES 12:14

q'uipa huiñaicuna yuyaita cushca shina sinchita cashna nishpa cutichirca: “Ñuca yaya yallitaj llashaj yugota apachishca cajpica, ñucacarin ashtahuan llashaj yugotami apachisha. Ñuca yaya azotishpa llaquichishca cajpica, ñucacarin escorpioncunahuanmi llaquichisha” nircami.

SALMOS 129:1

Ñucataca chairaj cashcamantapachami yallitaj llaquichincuna. Cunanca israelcuna, cashna nichigari:

SALMOS 68:13

Allitajchari callana jahuacunapi chutajllata sirina tucurcanguichij. Cancunaca cullquihuan llihuishca palomapaj alascuna shinami canguichij. Cancunapaj plumacunaca curi shina quillujllami.

SALMOS 81:6

“Ñucami paicunapaj rigramanta llashaj cargataca anchuchircani. Paicunapaj maquimantapish llashajta aisashpa puricujtami cacharichircani.

ÉXODO 1:11

Chashna nishpaca, israelcunata yallitaj llaquichishpa trabajachichunmi millai mandajcunata churarcacuna. Chaicunaca Pitón, Ramesés pueblocunatami faraonpaj imallacunata huaquichinapaj cachun shayachichishpa trabajachircacuna.

ÉXODO 1:13

Egipciocunaca israelcunataca yallitaj llaquichishpami trabajachircacuna.

ÉXODO 1:15

Egipto llajtata jatun mandajca, hebrea huarmicunata ricuj partera Sifra, Fúa huarmicunatapish cashnami nirca:

ÉXODO 2:23

Ña tauca huatacuna q'uipaca Egiptota jatun mandajca huañurcami. Israelcunaca yallitaj sinchi trabajocunapi cashpami, aij nishpa caparircacuna. Paicuna yallitaj sinchi trabajopi cashpa caparishcaca Taita Diospajmanmi chayarca.

ÉXODO 20:2

“Ñucaca cancuna Egiptopi huatashca shina llaquinayajta causacujpi llujshichimuj Mandaj Dios cancunapaj Diosmi cani.

ÉXODO 6:9

Moisesca Dios ima shina nishca shinallatajmi israelcunamanca tucuita huillarca. Ashtahuanpish israelcunaca yallitaj sinchi trabajohuan cashpa, yallitaj llaquihuan cashcamantaca imata mana uyashun nircacunachu.

PROVERBIOS 28:15

Diosta mana manchaj mandajca, huajchacunapajca manchananata huacaricuj león shina, yaricaihuan huañucuj oso shinami.

ISAÍAS 10:24

Chashna nicushpapish tucuita Mandaj Jatun Diosca cashnami nin: “Ñuca agllashcacunalla. Siónpi causajcunalla. Asiria llajtataca ama manchaichu. Cantaca caspihuanmi chugrichinga. Canta llaquichingapajmi tauna caspita alzanga. Egiptopi causajcuna shinallatajmi ruranga.

ISAÍAS 14:6

Shujtaj llajtacunata yallitaj p'iñarishpa llaquichijtaca ñuturcami. Carachahuan shina llaquichijtaca chingachircami. Shujtaj llajtacunata jatunta p'iñarishpa mandajtaca chingachircami. Mana llaquishpa catirashpa llaquichijtaca chingachircami.

ISAÍAS 51:23

Canta p'iñajcunaca: Cumuri cambaj jahuata pasangapaj nijpimi canca paicuna ñanta shina pasachun uri singa siririshpa cambaj huashataca pambata shina ruraj carcangui. Cunanca chai llaquicunataca canta p'iñajcunapimi churani” ninmi.

ISAÍAS 52:5

Mandaj Diosca: “Cunanca ¿imatataj ruranichu imamí? Ñuca agllashcacunataca yangamantamari prezu apancuna. ¡Paicunata mandacujcunaca llaquinayajtamari caparichicuncuna. Ñuca shutitapish p'iñashpa punllantami c'amishpa rimacunllacuna!” ninmi Mandaj Diosca.

ISAÍAS 58:6

Ñucaca ashtahuanpish cashna ayunachunmi mandarcani. Diosta mana rijsij canapi huatashca canamanta cachariringapaj. Llaquichicushcata cacharingapaj. Llaquichicushcacuna richun cacharishpa saquingapaj. Yugoshcacunata yugota p'aquingapaj.

LEVÍTICO 25:43

Chaimanta paitaca ama llaquinayajta imatapish rurachishpa charinguichu. Ashtahuanpish cambaj Taita Diosta manchangui.

LEVÍTICO 25:46

Cancunapajta ruraj cachun randishcacunataca, cancuna huañushpaca cancunapaj huahuacunaman saquinguichij. Paicunami tucui causaipi cancunapaj huahuacunapajta rurashpa causangacuna. Cancunapurallataj cashcamanta, ima ruranapipish ama llaquinayajta charinguichijchu.

LEVÍTICO 25:53

Paitaca cullqui jahua trabajanapaj cada huatapajlla ari nichishcata shinalla trabajachichun. Paitaca ama maipish cachun llaquichishpa mandachun.

MIQUEAS 3:3

Shinallataj caipi causajcunatapish micurcanguichijmi. Paicunapaj aicha caratapish anchuchircanguichijmi. Paicunapaj tullucunatapish mangapi churashpa yanuna tullucunata shinami ñututa p'aquircanguichij. Paicunaca yanunapaj mangapi tiyacuj aicha shinami carcacuna.

NAHUM 3:14

Macanacui punllapajca yacuta ashtangui. Muyundij pircacunataca ashtahuan allichiyari. Lodota sarushpa, ladrillota rurangui. Cambaj hornota alli allichiyari.

NÚMEROS 20:15

Ñucanchij yayacuna Egiptoman ima shina uriyashcatapish, Egiptopi uni huatacunata ñucanchij cashcatapish, ñucanchijtapish, ñucanchij yayacunatapish egipciocuna ima shinalla llaquichishcatapish,

Hechos 7:19

Chai jatun mandajca yachaj tucushca cashpami, ñucanchij ñaupa yayacunataca ama ashtahuan mirarichun nishpa c'ari llullu huahuacunata huañuchichishpa jatunta llaquichirca.

Hechos 7:34

Ñuca agllashcacunaca Egiptopica yallitaj llaquitami apacun. Paicuna aij nicujtapish uyanimi. Chaimantami paicunata llujshichingapaj uriyamurcani. Shamui ñucami cantaca Egiptoman cachagrini” nircami.

DEUTERONOMIO 26:6

Egipciocunaca ñucanchijtaca maipish cachun charishpa, yallitaj llaquichishpami, sinchi trabajocunata rurachishpa charircacuna.

DEUTERONOMIO 4:20

Egiptomantaca fierrota yacuyachina hornomanta shina japishpami Mandaj Diosca cancunataca llujshichimurca. Cunan punlla ima shinami paipajlla canguichij, chai shinallataj cachunmi cancunataca llujshichimurca.

RUT 1:20

Chaimi Noemica: –Ñucataca ama Noemí nihuaichijchu. Ashtahuanpish Mara nihuaichij. Tucuita Rurai Tucuj Diosca, jatun llaquitamari rurahuarca.