ESTER 9:2 - Dios Rimashca Shimicunami

² Jatun mandaj Asuero mandacun tucui llajtacunapi caj pueblocunapimi, judiocunaca paicunata p'iñashpa llaquichisha nicujcunahuan macanacungapaj tandanacurcacuna. Judiocunata p'iñajcunaca, paicunata yallitaj manchashpami, paicunahuanca mana macanacui tucurcacuna.

ESTER 9:2 Iomraidhean Croise

GÉNESIS 35:5

Paicuna Bet-elman ña ricujpimi, Taita Diosca chai muyundij llajtacunapi causajcunaman jatun manchaita cujpi Jacobtapish, paihuan caj tucuicunatapish llaquichingapajca mana catishpa rircacuna.

ESTER 8:11

Chai quillcacunapica jatun mandajca, judiocunataca tucui pueblocunapi causajcunatami cashna mandarca: “Mai llajtapi cashpapish chaipi causajcuna cancunata huañuchingapaj macanacunacunahuan shamujpica, cancuna causacun pueblocunapi tandanacushpa mitsaringuichij. Huañuchinaman shamujcunapajtaca huarmicunatapish, huahuacunatapish ama llaquishpa huañuchinguichijlla. Paicuna imalla charishcacunatapish japi tucunguichijmi.

ESTER 8:17

Tucui llajtacunapipish, pueblocunapipishmi jatun mandaj mandashcahuan chayajpica, judiocunaca yallitaj cushicushpa jatun micuita rurarcacuna. Shinallataj chai llajtacunapi causajcunaca, judiocunata yallitaj manchashpami, paicunapura tucurcacuna.

ESTER 9:10

Chai chunga runacunaca, judiocunata p'iñaj Amanpaj churicunami carca. Amanca, Hamedatapaj churimi carca. Tucui chaicunata huañuchishpapish, paicuna imalla charishcacunataca mana japircacunachu.

SALMOS 71:13

Ñucata p'iñajcunaca pingaichishca cachun. Ñuca causaita chingachishun nicujcunaca chingarishca cachun. Ñucata llaquichingapaj mashcacujcunataca pingaihuan tapachishca cachun. Musparinahuan tapachishca cachun.

SALMOS 71:24

Ñucata llaquichina yuyailla cajcunataca pingaichircanguimi, muspachircanguimi. Chashna cashcata rurashcamantaca ñuca c'alluca tucui punlla huillacungallami.

ÉXODO 23:27

Mai llajtaman can yaicugrijpipish canta p'iñajcuna manchashpa cambaj ñaupajmanta miticushpa richunca ñucami manchana yuyaita paicunamanca cusha.

ISAÍAS 8:9

Llajtacunapi causajcuna tandanacuichijllatagari. Urmanguichijllatajmi. Mai caru llajtacunapi causajcunapish, tucuicuna caita uyaichij: Alli chumbilliricuichijllatagari. Chingachishcallatajmi canguichij. Macanacuipaj alli allichirichijllatagari. Chingachishcallatajmi canguichij.

DEUTERONOMIO 2:30

Ashtahuanpish Hesbón llajtata jatun mandaj Sehonca, paipaj llajtata pasachunca mana saquisha nircachu. Mandaj Dios, cancunapaj Taita Diosmi chai llajtata cancunapaj maquipi entregangapaj chai llajtata jatun mandajpaj yuyaitapish, shungutapish sinchiyachirca. Chaimi cunancama chai llajtaca cancunapaj.

JOSUÉ 11:20

Mandaj Dios Moisesta mandashca shinallataj chai llajtapi causajcunataca mana llaquishpa sapimanta aisashpa shitaj shina israelcuna tucuita chingachichunmi, Mandaj Diosllataj chai llajtapi causajcunataca rumi shunguta rurajpi, israelcunahuan macanacunata c'ariyarcacuna.

JOSUÉ 2:9

–Ñucaca cai llajtataca, cancunata Mandaj Dios cancunaman cushca canatami crini. Cancunata uyashpaca, tucui ñucanchijmi achca manchaihuan canchij. Cancunata manchashcamantaca, tucui cai llajtapi causajcunamari jatun manchaihuan huañucuncuna.