ESTER 9:10 - Dios Rimashca Shimicunami

¹⁰ Chai chunga runacunaca, judiocunata p'iñaj Amanpaj churicunami carca. Amanca, Hamedatapaj churimi carca. Tucui chaicunata huañuchishpapish, paicuna imalla charishcacunataca mana japircacunachu.

ESTER 9:10 Iomraidhean Croise

GÉNESIS 14:23

ñucaca tucui imalla cambaj cashcacunataca mirga puchcallatapish, pargateta huatarinallatapish mana japishachu nircani. Abramtaca: “Ñucami charijyachircani nishpa can ninamantami chashna nircani” nirca.

GÉNESIS 34:27

Jacobpaj churicunaca paicunapaj panita llaquichishpa pingaichishcamantami, chai pueblopi caj huañushcacunapaj jahuata saru saru purishpa, tucui chaipi causajcuna imalla charishcacunata apashpa rircacuna.

ESTER 3:1

Jatun mandaj Asueroca, chai ishqui soldadocunata huañuchishca asha punllacuna q'uipami, Agagpaj huahua huahuapura Hamedatapaj churi Amantaca tucui mandajcunata mandachun churarca.

ESTER 3:13

Chai quillcacunataca, quillcata apajcunatami tucui llajtacunapi saquigrichun cacharca. Chai quillcacunapica, cashnami mandashca carca: “Judiocunataca c'aricunatapish, huarmicunatapish, huahuacuna cachun, yuyajcuna cachunpish, shuj punllallapi tucuicunata huañuchinguichij. Shinallataj paicuna imalla charishcataca cancuna japinguichijlla. Cai huata tucuri Adar quillapaj chunga quimsa punllapimi, chashna rurana canguichij” nishpami, mandashca carca.

ESTER 5:11

Paicunahuanmi Amanca, pai yallitaj charij cashcatapish, achca churicunata charishcatapish parlacurca. Shinallataj jatun mandajca, pai churashca tucui mandajcunamanta ashtahuan alli nishca canapica paillata churashcatapishmi parlacurca.

ESTER 7:4

Ñucapish, tucui ñuca llajtapuracunapish huañuchishpa chingachichun c'atushcamari canchij. Shujtajcunata servijcunalla cachun c'atushca cajpica, can jatun mandajtaca mana imata nishpa, upalla saquirimanllami carcani. Tucui ñucanchijta huañuchijpica, can jatun mandajpajca yallitaj llaquimari canga– nircami.

ESTER 7:6

Chashna tapujpimi Esterca: –Cai millai shungu Amanmari ñucanchijtaca p'iñashpa, juchachishpa huañuchisha nicun– nircami. Chashna nijpica Amanca, jatun mandaj huarmindijpaj ñaupajpica, yallitaj mancharishpa upayashpami saquirirca.

ESTER 8:11

Chai quillcacunapica jatun mandajca, judiocunataca tucui pueblocunapi causajcunatami cashna mandarca: “Mai llajtapi cashpapish chaipi causajcuna cancunata huañuchingapaj macanacunacunahuan shamujpica, cancuna causacun pueblocunapi tandanacushpa mitsaringuichij. Huañuchinaman shamujcunapajtaca huarmicunatapish, huahuacunatapish ama llaquishpa huañuchinguichijlla. Paicuna imalla charishcacunatapish japi tucunguichijmi.

ESTER 9:11

Jatun mandaj Asueroca, pai causacun Susa pueblopi mashnacunata huañuchishcataca, chai punllallatajmi yachaj chayarca.

SALMOS 21:10

Paicunapaj huahua huahuacuna ama mirachichun cai allpamanta chingachinguimi. Paicunapaj huahua huahuacunataca cai pachapi causajcunamantaca tucuimi chingachingui.

ÉXODO 17:16

cashna nirca: “Mandaj Dios mandacunta amaleccuna p'iñashpa llaquichishpa jatarishcamantami, Mandaj Diosca amaleccunahuan macanacunga. Huahua huahuacunahuan macanacucungallami” nircami.

ÉXODO 20:5

Chaicunataca ama cunguringuichijchu, amataj adoranguichijchu. Ñucami Mandaj cambaj Taita Dios cani. Ñucaca tucuita rurai tucuj Dios, ñucapajlla cachun munajmi cani. Yayacuna ñucata p'iñashpa millaita rurajpica paicunapaj quimsa huahua huahuacama, mana cashpacarin chuscu huahua huahuacunacama jatunta llaquichijmi cani.

DANIEL 6:24

Chai q'uipaca jatun mandajca Danielta juchachij mandajcunata pushamushpa paicunapaj huahuacunandij, paicunapaj huarmicunandij leoncunapaj jutcupi shitachun mandajpimi shitarcacuna. Paicuna chai jutcu ucujman manaraj chayajpimi, leoncunaca tullucunata p'aquishpa micurcacuna.

Romanos 12:17

Cancunata pi llaquichijpipish, ama chashnallataj llaquichinguichijchu. Tucuicunapaj ñaupajpi allita rurana yuyailla caichij.

Filipenses 4:8

Caillahuanmi nisha nini huauquicuna, tucui imapipish mana llulla canata, tucuipi alli canata, tucuipi cashcata ruraj canata, tucuipi chuya canata, tucuipi c'uyashca canata, tucuipi allimi nishca canata yuyaichij. Chashna imapipish alli nishca, alabashca cashca cashpaca, chashna cana yuyailla caichij.