ESTER 8:3 - Dios Rimashca Shimicunami

³ Chai q'uipaca jatun mandaj Esterca, jatun mandajpajman cutin shamushpami, huacashpa paipaj ñaupajpi cungurishpa pambacama cumurirca. Chashna cumurishpami jatun mandajtaca, judiocunata huañuchichunca ama saquihuaichu nishpa mañarca. Paicunata huañuchichun Agagpaj huahua huahuacunapura caj Amán mandashcata anchuchichunmi mañarca.

ESTER 8:3 Iomraidhean Croise

2 REYES 4:27

Diospaj runa maipi can urcuman chayashpaca, chai runapaj chaquicunapimi ugllarirca. Giezi runa chai huarmita anchuchingapaj c'uchuyajpimi Diospaj runaca: –Saquilla, paica yallitaj llaquillamari shamushca. Pai imamanta chashna llaquilla cashcataca, Mandaj Diosca mana huillahuashcachu– nirca.

ESTER 3:1

Jatun mandaj Asueroca, chai ishqui soldadocunata huañuchishca asha punllacuna q'uipami, Agagpaj huahua huahuapura Hamedatapaj churi Amantaca tucui mandajcunata mandachun churarca.

ESTER 7:4

Ñucapish, tucui ñuca llajtapuracunapish huañuchishpa chingachichun c'atushcamari canchij. Shujtajcunata servijcunalla cachun c'atushca cajpica, can jatun mandajtaca mana imata nishpa, upalla saquirimanllami carcani. Tucui ñucanchijta huañuchijpica, can jatun mandajpajca yallitaj llaquimari canga– nircami.

ESTER 8:2

Chashna cajpimi jatun mandajca, Amanta quichushca sortijastaca llujshichishpa Mardoqueoman curca. Shinallataj Esterca, jatun mandajllataj Amanta quichushpa tucui charishcacunata paiman cushcamantami, chaicunata ricuchunca Mardoqueota churarca.

ESTER 8:4

Chashna mañajpimi jatun mandajca, pai charicushca curi varataca, Esterpaj ñaupajman chutarca. Chashna chutajpimi Ester jatarishpaca, paipaj ñaupajpi shayarishpa cashna nirca:

ISAÍAS 38:2

Ezequiasca pata ladoman muyurishpami Mandaj Diostaca cashna mañarca:

OSEAS 12:4

Angelhuanca macanacushpami misharca. Paica huacashpami: “Ayudahuai” nishpa rogarirca. Jacobca Taita Dioshuanca Bet-elpimi tuparca. Chaipimi ñucanchijmantaca huillarca.

Hebreos 5:7

Cristoca cai pachapi causacushpaca jatunta caparishpa, huacashpa, rogashpami huañuimanta cacharichij Diosta mañarca. Chashna manchaihuan cazuj cajpimi pai mañashcataca Diosca uyarca.

1 SAMUEL 25:24

Davidpaj chaquipi siririshpaca: Ñuca amito ima juchata rurashcapish ñuca jahuami canga. Cambajta ruraj ñuca canhuan parlangapaj uyahuai. Cambajta rurajpaj shimicunata uyahuai.