ESTER 8:16 - Dios Rimashca Shimicunami

¹⁶ Judiocunapajcarin amsamanta achijman llujshishca shinapish, cushicuipish, alli nishca canapish, caishuj chaishujhuan cushicuipishmi tiyarca.

ESTER 8:16 Iomraidhean Croise

ESTER 4:16

“Judiocuna cai Susa pueblopi causajcunataca tandanacuchun mandagri. Chashna tandanacushpaca quimsa punllata, quimsa tutata ama imata micushpa, ama imata ubyashpa ñucamanta Diosta mañanguichij. Ñucapish ñucapajta ruraj huarmicunahuanmi ayunagrini. Chai q'uipami jatun mandajhuan rimanaman yaicusha. Mandashcata p'aquishpa chaiman yaicugrishcamanta huañuchishpapish, huañuchingallatajchari ninmi” nichunmi cacharca.

SALMOS 112:4

Cashcata rurajcunapajca amsapi luzta japichishca shinami. Paica llaquijmi, cujmi, cashcata rurajmi.

SALMOS 118:27

Mandaj Diosca Taita Diosmari. Paimi ñucanchijtaca achijyachin. Ramacunata apashpa altar gachucunacama chayaichij.

SALMOS 18:28

Mandaj Dioslla, canmi ñuca lamparataca japichingui. Ñuca Dioslla, amsapi cajpipish canmi achijyachingui.

SALMOS 30:12

Ñuca sumajyarina Dioslla quiquintami cantasha. Manataj upalla cashachu. Mandaj Dios ñuca Dioslla tucui causaipimi quiquintaca alabasha.

SALMOS 97:11

Cashcata rurajcunapajca, achij luzmi tarpushca tiyacun. Shungupi ima millai yuyaita mana charijcunapajca cushicunami tarpushca tiyacun.

PROVERBIOS 11:10

Cashcata rurajcuna charij tucujpica, pueblopi causajcunaca tucuicunami cushicuncuna. Diosta mana manchajcuna huañujpicarin, jatun micuita rurashpami cushicuncuna.

PROVERBIOS 28:12

Cashcata rurajcunapaj cushicuna tiyajpica, tucuicunami jatunta cushicuncuna. Ashtahuanpish Diosta mana manchajcuna mandanapi tiyarijpica miticugrincunami.

ISAÍAS 35:10

Mandaj Dios quishpichishcacunaca Sionmanca cushicushpami tigrangacuna. Paicunapaj uma jahuapica manataj tucurij cushicuimi tiyanga. Paicuna cushicuihuan yallitaj cushicuihuan cajpica llaquipish, aij nicunapish miticushpami ringa.