ESTER 8:11 - Dios Rimashca Shimicunami

¹¹ Chai quillcacunapica jatun mandajca, judiocunataca tucui pueblocunapi causajcunatami cashna mandarca: “Mai llajtapi cashpapish chaipi causajcuna cancunata huañuchingapaj macanacunacunahuan shamujpica, cancuna causacun pueblocunapi tandanacushpa mitsaringuichij. Huañuchinaman shamujcunapajtaca huarmicunatapish, huahuacunatapish ama llaquishpa huañuchinguichijlla. Paicuna imalla charishcacunatapish japi tucunguichijmi.

ESTER 8:11 Iomraidhean Croise

ESTER 3:13

Chai quillcacunataca, quillcata apajcunatami tucui llajtacunapi saquigrichun cacharca. Chai quillcacunapica, cashnami mandashca carca: “Judiocunataca c'aricunatapish, huarmicunatapish, huahuacuna cachun, yuyajcuna cachunpish, shuj punllallapi tucuicunata huañuchinguichij. Shinallataj paicuna imalla charishcataca cancuna japinguichijlla. Cai huata tucuri Adar quillapaj chunga quimsa punllapimi, chashna rurana canguichij” nishpami, mandashca carca.

ESTER 9:18

Susa pueblopi causaj, judiocunaca chai quillallapitajmi chunga quimsa punllapipish, chunga chuscu punllapipish tandanacushpa, paicunata p'iñajcunahuan macanacurcacuna. Chashna macanacushpaca, chai cayandijllataj chunga pichca punllapimi jatun micuita rurashpa, cushicushpa samarircacuna.

SALMOS 137:8

Babilonialla, canpish chingarinapajmi tiyacungui. Ñucanchijta can imallata rurashca shinallataj canta llaquichijca cushichishcami.

SALMOS 68:3

Ashtahuanpish cashcata rurajcunaca cushicungami. Taita Diospaj ñaupajpimi cushicungacuna. Cushicuihuan cashcamantami saltangacuna.

ISAÍAS 10:6

Mana ñucapajlla causacuj llajtata llaquichichunmi cachasha. Ñuca p'iñashcacunata llaquichichunmi cachasha. Paicuna quichushcacunata quichushpa apachunmi cachasha. Paicunatami ñanpi sirij lodota shina sarujcuna cachun churasha.

EZEQUIEL 39:10

Chai macanacunacunata rupachingapajca, mana sachamanta yantata apagringacunachu, mana yuracunata p'itingacunachu, ashtahuanpish ninallahuantaj rupachingallacunami. Shinallataj paicuna imalla charishcacunata quichushcacunallatatajmi quichungacuna, paicunapajta shuhuashcacunallatatajmi shuhuangacuna. Mandaj Jatun Diostajmi chashna nini.