ESTER 8:10 - Dios Rimashca Shimicunami

¹⁰ Jatun mandaj Asueropaj shutipi quillcashpami, paipajllataj sortijaspi caj sellota churarcacuna. Chai quillcacunata saquigrichunca, quillcata apajcunatami cacharcacuna. Chaicunaca jatun mandajpaj callpaj caballocunapi tiyarishpami rircacuna.

ESTER 8:10 Iomraidhean Croise

1 REYES 21:8

Chashna nishcahuan, Acabpaj shutipi quillcacunata rurashpami, jatun mandajpaj sortijashuan sellota churashpa, quillcacunataca, Nabot causacun Jezreel pueblota mandajcunamanpish, cunaj yuyajcunamanpish cuchun cacharca.

1 REYES 4:28

Caballocunapajpish, aparij animalcunapajpish cebadata, ujshatami Salomón maipi canman apamuchij carca. Paicunaca maijanpaj apamuna tucujpica huashan huashanmi apamujcuna carca.

2 CRÓNICAS 30:6

Cachashca huillajcunaca jatun mandaj pai churashca mandajcunandij quillcashca quillcacunata apashpami, tucui Israel llajtatapish, tucui Judá llajtatapish rircacuna. Chashna rishpaca, jatun mandaj yachachishpa cachashca shinallatajmi cashna huillarcacuna: “Israelcuna, Abrahamta, Isaacta, Israelta Mandaj Taita Diosman cutirichij. Asiria llajtata jatun mandajpaj maquimanta quishpirishpa saquirishca cai ashallacunapish pai Diosman cutirijpica, paipish cancunataca chasquingami.

ESTER 8:8

Chashna cashcamantaca judiocunata ama huañuchichunca, cancunapaj yuyaipi ima ashtahuan alli cashcata ñuca shutipi quillcaichij. Chai quillcacunapica, ñuca sortijaspi tiyaj sellota churaichij. Jatun mandajpaj shutipi quillcashpa, jatun mandajpajllataj sellota churashpa mandashcataca, mana anchuchipajllachu– nircami.

JOB 9:25

Ñuca causai punllacunaca, quillcata apajtapish yalli utcamari callpashca. Ima allitapish manaraj ricujpimari miticushca.

ECLESIASTÉS 8:4

Jatun mandaj mandashcataca, pi mana jarcai tucunchu. ¿Imamantataj chaita rurangui? nishpapish, pi mana ni tucunchu.

ISAÍAS 60:6

Achca camellocunami canta muyunchishca canga. Madianmanta, Efamanta dromedariocunapishmi muyunchishca canga. Chaicunaca tucuicunami Sabamanta shamungacuna. Curita, inciensota apashca shamushpami Mandaj Diosta alabangacuna.

ISAÍAS 66:20

Cancunapaj tucui huauquicunatapish ch'ican ch'ican llajtacunamantami Mandaj Diosman cuna cashcata apamuj shina caballocunapi, carrocunapi, toldoyuj carrocunapi, mulacunapi, camellocunapi Jerusalenpi caj ñucapajlla caj urcuman apamungacuna. Israelcuna ñucaman cuna cashcata, ima mapa illajllapi ñuca huasiman apamushpa cuj shinami, ñuca ñaupajpi churangacuna ninmi Mandaj Diosca.

JEREMÍAS 2:23

Pambacunapi cancuna imalla millaita rurashcata ricuichigari. Ima juchahuan mana mapayashcanchijchu, chai Baal dioscunapajmanca manataj rishcanchijchu nishpaca, maitataj ni tucunguichigari. Cancunaca ñanmanta llujshishcahuan maitapish callpaj huarmi dromedaria shinamari canguichij.

JEREMÍAS 51:21

Cancunahuanmi caballocunatapish tiyarijcunandijta huañuchisha. Cancunahuanmi carretacunatapish, chaicunapi purijcunandijta tucuchisha.

DANIEL 4:1

Jatun mandaj Nabucodonosormi cai pacha tucui gentecunata, llajtacunata, ch'ican ch'ican rimaita rimajcunataca: “Sumaj causai cancunapi mirarishca cachun” nini.

DANIEL 6:8

Jatun mandajlla cai mandashcataca can allimi nishpa pi ama shujtajyachichun firmapai. Chashna rurajpimi cai mandashcataca Media llajta, Persia llajta mandashcapi tiyaj shinallatataj mana anchuchinga– nircacunami.