ESTER 8:1 - Dios Rimashca Shimicunami

¹ Jatun mandaj Asueroca chai punllallatajmi, judiocunata p'iñaj Amán imallata charishcataca, jatun mandaj Ester huarmiman curca. Esterca Mardoqueopaj prima cashcataca, ñami jatun mandajman huillarca. Chaimantami Mardoqueoca, jatun mandajpajmanca yaicui tucurcalla.

ESTER 8:1 Iomraidhean Croise

ESTER 1:14

Chaipica paihuan alli apanacuj Carsena, Setar, Admata, Tarsis, Meres, Marsena, Memucán shuti canchis mandajcunami paihuan tiyacurcacuna. Paicunaca jatun mandajman alli yuyaita cujcunami carca. Paicunaca tucuicunata yalli alli nishca canapi churashcami carca. Chai mandajcunaca Persia, Media shuti llajtacunamantami carca.

ESTER 2:15

Esterca, Mardoqueopaj tío Abihailpaj ushushimi carca. Paitaca Mardoqueomi paipaj quiquin ushushita shina huiñachirca. Esterca jatun mandajpajman rina punlla chayajpica, ima sumaj churarinacunata mana mañarcachu. Jatun mandajpaj huarmicunata cuidaj Hegai shuti eunuco runa mandashcallatami churarirca. Estertaca, tucui paita cuidajcunami c'uyarcacuna.

ESTER 2:7

Mardoqueomi, paipaj tío huañujpica, chai tiopaj ushushi Hadasa nishca Estertaca, paipaj quiquin huahuata shina huiñachirca. Esterpaj mamapish ñami huañurca. Esterca, sumaj ñahuiyuj, jatun, alli solterami carca.

ESTER 7:6

Chashna tapujpimi Esterca: –Cai millai shungu Amanmari ñucanchijtaca p'iñashpa, juchachishpa huañuchisha nicun– nircami. Chashna nijpica Amanca, jatun mandaj huarmindijpaj ñaupajpica, yallitaj mancharishpa upayashpami saquirirca.

ESTER 8:7

Chashna nijpimi, jatun mandaj Asueroca jatun mandaj Ester huarmitapish, Judá llajtamanta caj Mardoqueotapish cashna nirca: –Tucui judiocunata huañuchisha nishcamantami, Amantaca sipichircani. Shinallataj pai imalla charishcacunatapish, can Estermanmi curcani.

SALMOS 39:6

Alli ricujpica, runapaj causaica llandu shinallami. Imata chai yuyai rurashcapish yangallami. Charinacunataca montonanllami. Pi japina cashcatapish mana yachanchu.

PROVERBIOS 13:22

Allita rurashpa causaj runaca, imalla charishcacunataca huahuacunapajpish saquincunami. Ashtahuanpish juchasapacuna charishcacunaca, cashcata rurajcunapajmi huaquichishca tiyacun.

PROVERBIOS 28:8

Huahua cullquita japishpa jahuanpi jahuanpi charijyajcunaca, huajchacunata llaquijcuna japichunllami huaquichincuna.

Lucas 12:20

Ashtahuanpish Taita Diosca chai runataca: “Yuyai illaj, cunan tutallatajmari cambaj causaita quichugrin. Tucui can huaquichishcacunaca ¿pipajshi canga?” nirca.