ESTER 7:9 - Dios Rimashca Shimicunami

⁹ Chashna rurashpami, jatun mandajta servij eunucocunapuramanta Harbona runaca: –Cai Amanca, paipaj huasipimi Mardoqueota sipichingapaj, ishqui chunga ishqui metro alto jatun caspita shayachishpa charicun. Mardoqueoca, can jatun mandajta shujtajcuna huañuchishun nicujpi, huillashpa quishpichircamari– nircami. Chashna nijpimi jatun mandajca: –Chai caspipica, paillatataj sipigrichij– nishpa mandarca.

ESTER 7:9 Iomraidhean Croise

2 REYES 9:32

Shina nijpi Jehú huichilla ricushpaca: –¿Maijanllataj ñucapura canguichij?– nijpica, eunucocunamanta ishqui runacunachu, quimsa runacunachu imatajshimi, ventanata asomarishpa Jehuta urilla ricurcacuna.

ESTER 1:10

Jatun micui tucuri canchis punllapimi jatun mandaj Asueroca, vinota ubyashpa yallitaj cushicushpa tiyacurca. Chashna tiyacushpami paita servishpa paipaj ñaupajpi caj Mehumán, Bizta, Harbona, Bigta, Abagta, Zetar shuti, Carcas shuti canchis eunuco runacunataca cayarca.

ESTER 5:14

Chashna nijpimi Zeres shuti paipaj huarmipish, tucui paihuan apanacujcunapish cashna nircacuna: –Ishqui chunga ishqui metro alto caspita shayachishpa, Mardoqueotaca chaipi sipichiyari. Jatun mandajman caya tutamanta huillashpa paitaca chaipi sipichinguilla. Chai q'uipami, chai jatun micuimanca jatun mandajhuan cushicushpa ringui– nircacunami. Chashna yuyaita cushcaca, Amanpaj yuyaipica alli cajpimi, sipichina jatun caspita shayachichirca.

ESTER 6:14

Paicuna manaraj tucui parlanacujpimi, jatun mandajpaj eunuco runacunaca chayarcacuna. Paicunaca chayashcahuanmi Amantaca, Ester cayashca jatun micuiman pusharcacuna.

ESTER 6:2

Chai quillcapimi, jatun mandaj Asuerotaca, paita cuidaj Bigtán, Teres shuti eunucocunallataj huañuchinata yuyarinacucujta Mardoqueo uyashpa huillashcata japircacuna.

ESTER 8:7

Chashna nijpimi, jatun mandaj Asueroca jatun mandaj Ester huarmitapish, Judá llajtamanta caj Mardoqueotapish cashna nirca: –Tucui judiocunata huañuchisha nishcamantami, Amantaca sipichircani. Shinallataj pai imalla charishcacunatapish, can Estermanmi curcani.

ESTER 9:14

Chashna nijpimi jatun mandajca, chashnallataj rurachun pai mandashcataca Susa pueblopi causajcunaman huillachirca. Chaimantami Amanpaj chunga churicunataca, sipina caspipi huarcurcacuna.

ESTER 9:25

Chaimantami Esterca, jatun mandajhuan rimangapaj rirca. Chaita huillajpimi jatun mandajca, judiocunata Amán jatun llaquita rurasha nicushcamantaca, paillatataj chashna llaquichichun mandashpa quillcachirca. Chaimantami Amantaca, paipaj churicunandij sipina caspipi huarcuchun mandarca.

SALMOS 141:10

Quiquinta mana rijsijcunaca paicunapaj churashca linchillapitaj tucuicuna urmashca cachun. Ashtahuanpish ñucaca pasashpa ñaupajman rishallamari.

SALMOS 35:8

Mana yachashcapi paicunallatataj llaquichichun. Pacallapi churashca linchipica, paillataj urmashca cachun. Paillataj rurashca jutcullapitaj urmashpa llaqui tucushca cachun.

SALMOS 73:19

Paicunataca cungaillapimi chingachinga. Jatun manchaihuanmi ñapish tucuchinga.

DANIEL 6:24

Chai q'uipaca jatun mandajca Danielta juchachij mandajcunata pushamushpa paicunapaj huahuacunandij, paicunapaj huarmicunandij leoncunapaj jutcupi shitachun mandajpimi shitarcacuna. Paicuna chai jutcu ucujman manaraj chayajpimi, leoncunaca tullucunata p'aquishpa micurcacuna.

DANIEL 6:7

Can churashca tucui mandajcunapish, juezcunapish, satrapacunapish, mandajcunapish, soldadocunata mandajcunapish tandanacushpami cashna mandashcata churashpa pajtachichichuntaj nishpa yuyarinacurcanchij. Maijanpish cunanmanta manaraj quimsa chunga punlla tucujpi mana can jatun mandajllata adorashpa ashtahuanpish shujtaj diosta, mana cashpaca cambaj randica shujtaj runata adorajtaca, leoncunapaj jutcupi shitashca cachun nishpa can jatun mandaj mandachunmi shamunchij.

1 SAMUEL 17:51

Davidca callpashpa rishpami chai filisteopaj jahuapi shayarishpaca, paipaj espadallatataj huaquichishcamanta llujshichishpa tucui huañuchirca. Chai espadallahuantajmi umata p'itirca. Filisteocunaca macanacuicunapi paicunapaj mishaj huañujta ricushpaca miticungapajmi callparcacuna.