ESTER 7:7 - Dios Rimashca Shimicunami

⁷ Jatun mandajca, yallitaj p'iñarishpami, micucushca ucumantaca mandana huasi c'uchu huertaman llujshirca. Amanca jatun mandaj paita huañuchinataj cashcata yuyashpami, jatun mandaj Ester huarmitaca: “Jatun mandaj ñucata ama huañuchihuachun paihuan rimapai” ningapaj chai ucullapitaj saquirirca.

ESTER 7:7 Iomraidhean Croise

ESTER 1:12

Ashtahuanpish chai mandaj huarmica, jatun mandaj Asuero paita servij eunuco runacunahuan pushanaman cachajpica, mana risha nircachu. Chaimantami jatun mandajca yallitaj p'iñarirca.

ESTER 1:5

Chai chaupi huata q'uipaca, shujtaj jatun micuita rurashpami, mandana huasi canllapi caj sumaj jardinpica, canchis punllacama tandanacurca. Chai jatun micuimanca, Susa pueblopi causaj mandajcunatami, ashtahuan alli nishca cajcunatapish, yangalla cajcunatapish cayarca.

ESTER 7:10

Chashna mandajpimi Amantaca, Mardoqueota sipichingapaj pai shayachishca caspillapitaj sipircacuna. Chashna rurachishpami jatun mandajca, yallitaj p'iñarishcamanta alli tucurca.

SALMOS 112:10

Millai runa chaita ricushpaca, yallitajmi p'iñaringa. Quirucunata canirishpami chingaringa. Diosta mana rijsijcunapaj munaica chingarigringami.

PROVERBIOS 14:19

Millai runacunaca, alli shungu cajcunapaj ñaupajpimi cunguringacuna. Mana manchajcunapish cashcata rurajpaj huasi pungupimi cunguringacuna.

PROVERBIOS 14:35

Jatun mandajca, paipaj runa alli yuyaiyuj cajpica c'uyanmari. Ashtahuanpish paita pingachij runataca p'iñanmi.

PROVERBIOS 16:14

Jatun mandaj p'iñarishpaca, huañuchinatami huillan. Ashtahuanpish yachaisapa runaca, paita p'iñachinataca jarcarinmi.

PROVERBIOS 19:12

Jatun mandaj p'iñarishpaca, león huacarij shinami manchachin. Pai alli cajpica, shullashca q'uihua shinami.

ISAÍAS 60:14

Canta llaquichijcunapaj churicunallatajmi cambajmanca cumurishca shamungacuna. Tucui canta p'iñajcunaca cambaj chaquipi cungurishpa cumurishpami: Mandaj Diospaj Pueblo, israelcunapaj jucha illaj Sionmi cangui ningacuna.

DANIEL 3:19

Shina nijpi Nabucodonosorca yallitaj p'iñarishpami, paipaj ñahuipish shujtajyarishpa, Sadracta, Mesacta, Abed-negota rupachina tucurca. Paicunata rupachingapajca hornotaca rupajyachij cashcamanta canchis cutihuan yalli rupajyachichunmi mandarca.

Apocalipsis 3:9

Maijancunaca manapish judiocuna cashpa, judiocunami canchij nishpa llullashpami Satanaspaj sinagoga tucuncuna. Paicunataca ñuca canta c'uyashcata yachachunmi cambaj ñaupajpi cungurichisha.

1 SAMUEL 20:7

Chashna nijpi cambaj yaya allimi nijpica, cambajta ruraj ñucataca mana huañuchisha nicushcatami yachangui. Ashtahuanpish pai p'iñarijpica, paica ñucata chingachingapaj millai yuyaihuan cashcatami yachangui.

1 SAMUEL 20:9

Shina nijpi Jonatanca: –Allita ruranapaj randica chai mana allita ruranaca amataj tucushca cachun. Ñuca yaya canta huañuchishataj nicushcata yachashpaca ¿maitataj canmanca mana huillashari?– nircami.

1 SAMUEL 25:17

Chaimanta cunanca alli yuyarishpa imata rurana cashcata ricui. Ñucanchij amotapish, paipaj huasi ucupuratapish jatun llaquica ñami llapinalla. Cambaj cusaca yallitaj millai mana uyasha nij cajpimi, pi mana imata rimai tucun– nircami.