ESTER 7:6 - Dios Rimashca Shimicunami

⁶ Chashna tapujpimi Esterca: –Cai millai shungu Amanmari ñucanchijtaca p'iñashpa, juchachishpa huañuchisha nicun– nircami. Chashna nijpica Amanca, jatun mandaj huarmindijpaj ñaupajpica, yallitaj mancharishpa upayashpami saquirirca.

ESTER 7:6 Iomraidhean Croise

NEHEMÍAS 6:16

Tucui chaicunata uyajcunaca ñucanchijta p'iñajcunapish, ñucanchij muyundij tucui llajtacunapish mancharishpami cumurircacuna. Tucui chaicunata rurashcata ricushpaca, paicunapaj Taita Diosmari chai tucuitaca ruran nircacunami.

ESTER 3:10

Chashna nijpica jatun mandajca, pai mandashcata ricuchij sellota churana sortijasta llujshichishpami, judiocunata p'iñaj Amanman curca. Paica Agagpaj huahua huahuapura Hamedatapaj churimi carca.

ESTER 7:5

Shina nijpimi, jatun mandaj Asueroca, jatun mandaj Ester huarmitaca: –¿Maijantaj paipaj shungupi jatun tucushpa chai jatun llaquita rurasha nicunri, chai runaca maipitagari?– nishpa tapurca.

ESTER 8:1

Jatun mandaj Asueroca chai punllallatajmi, judiocunata p'iñaj Amán imallata charishcataca, jatun mandaj Ester huarmiman curca. Esterca Mardoqueopaj prima cashcataca, ñami jatun mandajman huillarca. Chaimantami Mardoqueoca, jatun mandajpajmanca yaicui tucurcalla.

SALMOS 27:2

Millaicuna, ñucata llaquichijcuna, ñucata p'iñajcuna, ñucata llaquichingapaj tandanacushpapish, ñuca aichata micungapaj tandanacushpapish paicunarajmari tsagnarishpa urmarcacuna.

PROVERBIOS 16:14

Jatun mandaj p'iñarishpaca, huañuchinatami huillan. Ashtahuanpish yachaisapa runaca, paita p'iñachinataca jarcarinmi.

ECLESIASTÉS 5:8

Maijan llajtapica huajchacunata llaquichicujta, cashcata ruranapaj randica, llaquita ruracujta ricushpaca ama mancharinguichu. Shuj mandajtaca paita yalli caj mandajmi ricucun. Chai mandajcunatapish ashtahuan jatun mandajmi ricucun.

ISAÍAS 21:4

Ñuca shunguca musparinmari. Caitajta ricushpaca upayanimari. Cushijlla cana tutaca manchaihuan canami tucushca.

1 Corintios 5:13

Canllaman cajcunataca Diosmi imatapish ninga. Cancunapurapi caj millaita rurajtaca, llujshichichij.

2 Tesalonicenses 2:8

Chai q'uipami chai millai runaca ricuringa. Chaitami Mandaj Jesusca, paipaj shimihuan p'ucushpalla huañuchinga. Pai achij nicuj shamushpami chingachinga.

1 SAMUEL 24:13

Ñaupa yayacunapaj nishcacunapica: Diosta mana rijsijcunami millaitaca rurancuna ninmi. Chaimanta ñuca maquica cantaca manataj llaquichingachu.