ESTER 7:10 - Dios Rimashca Shimicunami

¹⁰ Chashna mandajpimi Amantaca, Mardoqueota sipichingapaj pai shayachishca caspillapitaj sipircacuna. Chashna rurachishpami jatun mandajca, yallitaj p'iñarishcamanta alli tucurca.

ESTER 7:10 Iomraidhean Croise

GÉNESIS 40:22

Tandata rurajcunata mandajtaca, José huillashca shinallataj huañuchishpami huarcurca.

ESTER 2:1

Jatun mandaj Asueroca, chashna quillcachishcamanta tauca punllacuna q'uipami, p'iñarishcamanta alli tucushpa Vasti shuti paipaj huarmita yuyarirca. Shinallataj paita mana cazushcamanta llujshichishcatapishmi yuyarirca.

ESTER 5:14

Chashna nijpimi Zeres shuti paipaj huarmipish, tucui paihuan apanacujcunapish cashna nircacuna: –Ishqui chunga ishqui metro alto caspita shayachishpa, Mardoqueotaca chaipi sipichiyari. Jatun mandajman caya tutamanta huillashpa paitaca chaipi sipichinguilla. Chai q'uipami, chai jatun micuimanca jatun mandajhuan cushicushpa ringui– nircacunami. Chashna yuyaita cushcaca, Amanpaj yuyaipica alli cajpimi, sipichina jatun caspita shayachichirca.

ESTER 7:7

Jatun mandajca, yallitaj p'iñarishpami, micucushca ucumantaca mandana huasi c'uchu huertaman llujshirca. Amanca jatun mandaj paita huañuchinataj cashcata yuyashpami, jatun mandaj Ester huarmitaca: “Jatun mandaj ñucata ama huañuchihuachun paihuan rimapai” ningapaj chai ucullapitaj saquirirca.

ESTER 7:8

Chaipi saquirishpaca, Amanca Esterpaj ñaupajpimi, pai tiyacun jatun tiyanapi cungurishca carca. Jatun mandajca, mandana huasi c'uchu huertamanta tigrashpa chai ucuman yaicushpa, chaita ricushpami Amantaca: –¿Ñuca huarmi jatun mandajtapish ñuca quiquin huasillapitajchu japirisha ningui imamí?– nirca. Jatun mandaj chashna nijpimi, paipajta rurajcunaca Amantaca ñahuita ch'ungullichircacuna.

ESTER 8:7

Chashna nijpimi, jatun mandaj Asueroca jatun mandaj Ester huarmitapish, Judá llajtamanta caj Mardoqueotapish cashna nirca: –Tucui judiocunata huañuchisha nishcamantami, Amantaca sipichircani. Shinallataj pai imalla charishcacunatapish, can Estermanmi curcani.

ESTER 9:14

Chashna nijpimi jatun mandajca, chashnallataj rurachun pai mandashcataca Susa pueblopi causajcunaman huillachirca. Chaimantami Amanpaj chunga churicunataca, sipina caspipi huarcurcacuna.

ESTER 9:25

Chaimantami Esterca, jatun mandajhuan rimangapaj rirca. Chaita huillajpimi jatun mandajca, judiocunata Amán jatun llaquita rurasha nicushcamantaca, paillatataj chashna llaquichichun mandashpa quillcachirca. Chaimantami Amantaca, paipaj churicunandij sipina caspipi huarcuchun mandarca.

JOB 18:8

Pai purinapica linchitami shitanga. Fierro casha jahuacunatami puringa.

JOB 20:8

Muscui shina chingarijpica, manataj japi tucungachu. Tuta muscuipi imata ricushca shina chingarinallami.

SALMOS 37:15

Millaita rurajpaj espadaca paipaj shungullapitajmi yaicunga. Paipaj arcopish p'aquiringallami.

SALMOS 7:16

Pai millaita rurashcaca, paipaj jahuallamantajmi tigranga. Llaquichinata pai yuyashcapish, paipaj umallapitajmi urmanga.

SALMOS 94:23

Paimari millaicunapaj juchataca, paicunapaj jahuallamantaj tigrachinga. Paicuna millaita rurashcallapitajmari paicunataca chingachinga. Ñucanchijta Mandaj Taita Diosmi paicunataca tucuchinga.

PROVERBIOS 11:27

Shujtajcunapaj allita rurajtaca, paitapish c'uyashpa alli nincunami. Ashtahuanpish pitapish llaquichina yuyailla purijtaca, paitarajmi ima llaquipish japinga.

PROVERBIOS 11:8

Cashcata rurajtaca ima llaquimantapish, Taita Diosmi huaquichin. Ashtahuanpish paita mana manchajmi, paipaj randi chai llaquipi japi tucun.

PROVERBIOS 26:27

Shujtaj runa urmachun jutcuta allajca, paillatajmi chaipi urmanga. Shujtajta llapichun jatun rumita singuchicujpipish paillatatajmi llapinga.

JEREMÍAS 34:17

Cancuna chashna rurashcamantami, Mandaj Diosca cashna nin: “Cancunaca ñucata mana cazushpami, cancunapaj familiacunataca servichicushcamanta mana cacharishpa cachanguichij. Chaimantami ñucapish espadahuan huañuchijcunatapish, jatun yaricaitapish, ungüitapish cancunata llaquichichun cachagrini. Chai jatun llaquihuanmi cancunataca, tucui cai pacha llajtacunapaj chaupipi jatunta pingachigrini. Ñuca, Mandaj Diostajmi chashna nini.

EZEQUIEL 5:13

Ñuca p'iñarishcataca, paicunapi pajtachishpatajmi samarisha. Ñuca p'iñarishpa paicunata llaquichina pajtajpimi, ñucapajlla cachun chashna nishcataca yachangacuna.

DANIEL 6:24

Chai q'uipaca jatun mandajca Danielta juchachij mandajcunata pushamushpa paicunapaj huahuacunandij, paicunapaj huarmicunandij leoncunapaj jutcupi shitachun mandajpimi shitarcacuna. Paicuna chai jutcu ucujman manaraj chayajpimi, leoncunaca tullucunata p'aquishpa micurcacuna.

DANIEL 6:25

Chaimi jatun mandaj Darioca, tucui cai pachapi causaj gentecunaman, llajtacunaman, ch'ican ch'ican rimaita rimajcunaman cashna nishpa quillcarca: “Cancunapica sumaj causai mirarishca cachun.

ZACARÍAS 6:8

Chai q'uipami, ñucata caparishpa cayashpaca cashna nirca: “Riqui, janaj ladoman rijcunaca, chai llajtapimi ñuca Espirituta saquimurcacuna” nircami.

JUECES 15:7

Chaimi Sansonca: –Cancuna chashna rurashcamantaca, ñucapish cancunata llaquichingacama manataj samarishachu– nirca.