ESTER 6:6 - Dios Rimashca Shimicunami

⁶ Amán yaicujpimi jatun mandajca: –Ñucaca, shuj runatamari alli nishpa jatunyachisha nini. Paita alli ningapajca, ¿ima shinallataj rurana alli canga?– nirca. Shina nijpica Amanca, paipaj yuyaillapimi cashna yuyarca: “Jatun mandajca, ñucatamari alli nisha nicunga. Pitataj ashtahuanca alli nisha nicungari” yuyarcami.

ESTER 6:6 Iomraidhean Croise

ESTER 1:15

Paicunatami jatun mandajca cashna tapurca: –Vasti shuti jatun mandaj ñuca huarmica, ñucapajta ruraj eunuco runacunata pushanaman cachajpimi, ñuca mandashcata mana cazun. Chashna rurashcamantaca, mandashcapi nishca shinaca ¿imatataj ruraipaj cani?– nishpami tapurca.

ESTER 5:11

Paicunahuanmi Amanca, pai yallitaj charij cashcatapish, achca churicunata charishcatapish parlacurca. Shinallataj jatun mandajca, pai churashca tucui mandajcunamanta ashtahuan alli nishca canapica paillata churashcatapishmi parlacurca.

ESTER 6:11

Chashna nijpimi Amanca churanatapish, caballotapish apamurca. Ña apamushpaca, Mardoqueomanmi churanata churachirca. Chaimantaca Mardoqueo tiyarishca caballota aisashpami: “Jatun mandajca pai jatunyachisha nishca runataca cashnami jatunyachin” nishpa caparishpa, pueblo chaupi plaza pambata purirca.

ESTER 6:5

Shina tapujpica, jatun mandajta servijcunaca: –Amanmi shamushca– nijpica, jatun mandajca: –Yaicuchichigari– nirca.

ESTER 6:7

Chashna yuyashpami cashna nirca: –Can jatun mandaj alli nisha nishca runataca, can jatun mandajpaj churanata shinallatatajmi churachina. Shinallataj can jatun mandaj tiyarina caballopimi tiyachina. Umapipish, can jatun mandaj churarina coronatami churachina.

ESTER 6:9

Can jatun mandaj alli nisha nishca runamanca, chai churanacunataca can churashca mandajcunapuramanta ashtahuan allipi caj mandaj churachichun. Caballopipish paillataj tiyachichun. Chashna tiyachishpaca: Jatun mandajca pai jatunyachisha nishca runataca cashnami jatunyachin nishpa caparishpa, pueblo chaupi plaza pambata caballota aisashpa purichun– nircami.

SALMOS 35:27

Ashtahuanpish manapish imata rurajpi ñucata mitsajcunaca cantaichij, cushicuichij. “Mandaj Diostaca jatunyachishca cachun” nishpa huiñaita nicuchunlla. Mandaj Diosca paipajta rurashpa causajtaca sumajta causachun munajmi.

PROVERBIOS 1:32

Upacunataca paicunapaj panda causaillatajmi huañuiman chayachin. Rumi shungucuna cushicushpa causashcaca, chingarinaman apanllami.

PROVERBIOS 16:18

Manaraj llaqui tucushpaca, jatun tucushcami causancuna. Manaraj urmashpaca, c'ari tucushcami causancuna.

PROVERBIOS 18:12

Jatun tucujtaca q'uipataca, llaquicunallami japin. Mana jatun tucujmari q'uipataca, alli nishca tucun.

PROVERBIOS 30:13

Jatun tucushpa, shujtajcunataca p'iña ñahuihuan yurajman ricujcunapish tiyanmi.

ISAÍAS 42:1

Caimi ñucapajta ruraj. Paitaca ñucami charirasha. Paica ñuca agllashcami. Paipimi ñuca almaca cushicun. Ñuca Espiritutaca paipaj jahuapimi churarcani. Paimi llajtacunamanca cashcata ruranata apamunga.

JEREMÍAS 32:41

Ñucaca paicunapaj allita rurashpami cushicusha. Cai llajtapica tarpuj shinami churasha. Cutinca mana shitangapaj ñuca tucui shunguhuan, tucui almahuanmi caipi charisha” ninmi.

ABDÍAS 1:3

Canca jatun tucushpami umarircangui. Jahua peña quinripi tiyaj jutcucunapi causashpallami: ¿Pitaj caimantaca pambaman urmachingari? yuyangui.

Mateo 3:17

Jahua pachamantaca: “Caimi ñuca c'uyashca Churi. Paipimi cushicuni” nishpa rimashcami uyarirca.

Lucas 14:9

Paitapish, cantapish, cayaj bodayuj shamushpa: “Cai tiyarinata paiman cupai” nishpa jatarichijpica, pingai tucushpa huasha tucuri tiyarinapi tiyarigringuiman.

Juan 5:23

Tucuicuna Yayata jatunyachij shinallataj, paipaj Churita jatunyachichunmi paiman curca. Pipish paipaj Churita mana jatunyachijca, paita cachaj Yayatami mana jatunyachin.