ESTER 6:12 - Dios Rimashca Shimicunami

¹² Chai q'uipaca Mardoqueoca, jatun mandaj mandana huasiman yaicuna pungupi pai tiyacushcallamantaj tigrarcallami. Amanca yallitaj pingai tucushpami, llaquirishpa umata ch'ungullirishpa paipaj huasiman utca rirca.

ESTER 6:12 Iomraidhean Croise

2 SAMUEL 15:30

Davidca Olivocuna tiyaj huichitami uma ch'ungurishca, lluchu chaquilla huacaihuan huichiyarca. Tucui paihuan cajcunapish tucuicuna uma ch'ungurishcami huacaihuan llujshircacuna.

2 SAMUEL 17:23

Ahitofelca pai yuyaita cushcacunata Absalón mana rurajpimi, paipaj burrota parejashcahuan paipaj causana pueblopi caj paipaj huasiman rirca. Chaiman chayashpaca paipaj huasipi ima shinalla canata allichishca q'uipaca sipi tucushpami huañurca. Paitaca paipaj yayata churashca jutcullapitajmi churarca.

1 REYES 20:43

Israelcunata jatun mandajca Samariapi caj paipaj huasimanmi llaquilla, p'iña rirca.

1 REYES 21:4

Jezreelpi causaj Nabot runa ñuca yayacunapajta japishca allpataca mana cushachu nishcamantami Acabca llaquilla, p'iña paipaj huasiman shamushpa, camapi siririshpa ñahuita pataman churashpa mana micurca.

1 REYES 21:6

Chaimi Acabca: –Jezreelpi causaj Nabottamari, paipaj uva chagrayuj allpata ñucaman cui ñucaca cullquita cusha nircani. Mana cashpaca chai allpapaj randica uva chagrayuj ñuca allpata cusha nircanimi. Shina nijpi paica: Ñuca uva chagrayuj allpataca mana cushachu ninmari– nircami.

2 CRÓNICAS 26:20

Curacunata Mandaj Azariaspish, caishuj curacunapish, paipaj ñahuita ricushpaca, frentepi lepra llujshishcatami ricurcacuna. Chaimantami chai ucumanta llujshichircacuna. Uziasca Mandaj Dios llaquichishcamantami, chai ucumantaca paillatajpish utca llujshirca.

ESTER 2:19

C'arihuan manaraj chayarinacushca solteracunata cutintaj tandachicujpica, Mardoqueoca mandana huasiman yaicuna pungupimi tiyacurca.

ESTER 6:11

Chashna nijpimi Amanca churanatapish, caballotapish apamurca. Ña apamushpaca, Mardoqueomanmi churanata churachirca. Chaimantaca Mardoqueo tiyarishca caballota aisashpami: “Jatun mandajca pai jatunyachisha nishca runataca cashnami jatunyachin” nishpa caparishpa, pueblo chaupi plaza pambata purirca.

ESTER 7:8

Chaipi saquirishpaca, Amanca Esterpaj ñaupajpimi, pai tiyacun jatun tiyanapi cungurishca carca. Jatun mandajca, mandana huasi c'uchu huertamanta tigrashpa chai ucuman yaicushpa, chaita ricushpami Amantaca: –¿Ñuca huarmi jatun mandajtapish ñuca quiquin huasillapitajchu japirisha ningui imamí?– nirca. Jatun mandaj chashna nijpimi, paipajta rurajcunaca Amantaca ñahuita ch'ungullichircacuna.

JOB 20:5

Millai runacunapaj cushicunaca utca tucurijllami, Diosta mana manchajcunapish ashacamallami cushicun.

JOB 9:24

Cai pachataca, Diosta mana manchajcunamanmi curca. Paicunapaj juezcunapaj ñahuicunatapish tapanmi. Mana paillataj tucuita ruracujpica, ¿pitaj canga, maipitaj canga?

1 SAMUEL 3:15

Samuelca pacaringacama sirishpa jatarishpaca, Mandaj Diospaj huasi pungucunatami pascarca. Samuelca muscuipi shina ricushcata, uyashcataca Eliman parlanataca mancharcami.