ESTER 6:11 - Dios Rimashca Shimicunami

¹¹ Chashna nijpimi Amanca churanatapish, caballotapish apamurca. Ña apamushpaca, Mardoqueomanmi churanata churachirca. Chaimantaca Mardoqueo tiyarishca caballota aisashpami: “Jatun mandajca pai jatunyachisha nishca runataca cashnami jatunyachin” nishpa caparishpa, pueblo chaupi plaza pambata purirca.

ESTER 6:11 Iomraidhean Croise

ESDRAS 6:13

Jatun yacu chaininij llajtata mandaj Tatnaipish, Setar-boznaipish, paicunahuan caj mandajcunapish jatun mandaj Darío mandashca shinami tucuita chashnataj pajtachircacuna.

ESTER 6:10

Shina nijpimi, jatun mandajca Amantaca cashna nirca: –Utca rishpa churanatapish, caballotapish apamugri. Ña apamushpaca, Judá llajtamanta caj Mardoqueotaca, can imallatami ningui, chai shinallataj ruragri. Ñuca mandana huasiman yaicuna pungullapimi tiyacun– nircami.

ESTER 6:12

Chai q'uipaca Mardoqueoca, jatun mandaj mandana huasiman yaicuna pungupi pai tiyacushcallamantaj tigrarcallami. Amanca yallitaj pingai tucushpami, llaquirishpa umata ch'ungullirishpa paipaj huasiman utca rirca.

ESTER 8:15

Mardoqueoca, jatun mandaj churarina shina azulhuan, yurajhuan churanata churarishca, jahuatapish linollamanta rurashca morado churanatami churashca carca. Umapica, curimanta rurashca sumaj coronatami churashca carca. Chashnami Mardoqueoca, jatun mandajpaj ñaupajmanta llujshirca. Chaimantami Susa pueblopi causajcunaca, jatunta cushicushpa caparircacuna.

ESTER 9:3

Jatun mandajllataj tucui llajtacunapi churashca mandajcunapish, satrapacunapish tucui caishuj mandajcunapishmi Mardoqueota mancharcacuna. Chaimantami judiocunapajca, tucui chai mandajcunallataj allita rurarcacuna.

PROVERBIOS 27:18

Higo yuracunata alli cuidashpa causajca, chai yurapi p'ucushcatami micunga. Amopajta alli ruraj runapish allicunata chasquingami.

ISAÍAS 60:14

Canta llaquichijcunapaj churicunallatajmi cambajmanca cumurishca shamungacuna. Tucui canta p'iñajcunaca cambaj chaquipi cungurishpa cumurishpami: Mandaj Diospaj Pueblo, israelcunapaj jucha illaj Sionmi cangui ningacuna.

Lucas 1:52

Jatun tucushca mandajcunataca anchuchishpami, mana jatun tucushcacunataca jatun nishca canapi churarca.

Apocalipsis 3:9

Maijancunaca manapish judiocuna cashpa, judiocunami canchij nishpa llullashpami Satanaspaj sinagoga tucuncuna. Paicunataca ñuca canta c'uyashcata yachachunmi cambaj ñaupajpi cungurichisha.