ESTER 5:8 - Dios Rimashca Shimicunami

⁸ Cayapish can jatun mandajhuan micungapajmi, jatun micuita ruragrini. Can jatun mandaj ñucata c'uyashpaca, cambaj yuyaipi alli cajpica cayapish shamupangui. Can jatun mandajhuan micungapaj ñuca cayashcamanca, Amantapish pushamungui. Can jatun mandaj caya shamujpimi, can nishca shina ñuca mañana cashcataca mañasha– nircami.

ESTER 5:8 Iomraidhean Croise

ESTER 1:9

Shinallataj jatun mandaj Vasti shuti huarmipish, paipaj cusa jatun mandaj Asuero cayashcacunapaj huarmicunahuanmi, mandana huasipi jatun micuita rurarca.

ESTER 5:12

Chashna parlashpaca, Amanca cashnapishmi nirca: –Jatun mandaj Ester huarmica, jatun mandajhuan micungapaj rurashca jatun micuimanca ñucallatamari cayarca, pi shujtajta mana cayarcachu. Caya punlla jatun micuipajpish, ñucallatamari jatun mandajhuan shamuchun nin.

ESTER 5:7

Shina nijpimi, Esterca cashna nirca: –Ñucaca caillatami mañapani.

ESTER 7:1

Jatun mandaj Ester huarmi rurashca jatun micuimanmi jatun mandaj Asueroca, Amantaca pushashpa rirca.

ESTER 7:3

Chashna nijpimi, Esterca cashna nirca: –Ñucaca caillatami mañapani. Can jatun mandaj ñucata c'uyashpaca, cambaj yuyaipi alli cajpica ñucatapish, tucui ñuca llajtapuracunatapish llaquishpa, ama huañuchichun saquihuaichu.

ESTER 8:5

–Jatun mandajlla, canta ñuca chashna mañashpaca manapishchari p'iñachircani. Ñuca mañashca alli cajpi, ñucapish can jatun mandajpi alli ricurishca cajpi, cambaj yuyaipipish alli yuyachijpica, tucui ñucanchij judiocunata huañuchichunca amataj saquihuaichu. Ñucanchijta huañuchichun Agagpaj huahua huahuapura Hamedatapaj churi Amán mandashcataca anchuchipaiyari. Can jatun mandaj mandacun tucui llajtacunaman Amán cachashca quillcacunapi mandashcataca anchuchichun mandashpa, shujtaj quillcata rurapai.

PROVERBIOS 16:9

Runacuna shungupi imata yuyarijpipish, Mandaj Diosmi pai munashca shina pushan.