ESTER 5:3 - Dios Rimashca Shimicunami

³ Chashna tupajpimi jatun mandajca: –Jatun mandaj Ester, ¿imataj tucurcangui? ¿Imatataj ningui? Can mañajpica, ñuca mandacun chaupi llajtatapish cushallami– nirca.

ESTER 5:3 Iomraidhean Croise

1 REYES 2:20

Chaipimi Betsabeca: –Cantaca shuj uchilla mañaitami mañagrini. Ama mana ninguichu– nijpi, jatun mandajca: –Ñuca mamitalla, can ima nishcata mañailla, cushallami– nirca.

1 REYES 3:5

Gabaonpi Salomón cajpimi Mandaj Diosca shuj tuta muscuipi paiman ricurishpaca: “Can imata nishcata mañailla, ñucaca cushallami” nirca.

NEHEMÍAS 2:4

Shina nijpi jatun mandajca: ¿Imatataj rurachun ningui?– nijpi, ñucaca jahua pacha Diosta mañashpami,

ESTER 5:4

Shina nijpimi Esterca: –Can jatun mandajhuan cunan micungapajmi, jatun micuita allichircani. Can jatun mandajpaj yuyaipi alli cajpica shamupangui, Amantapish pushamungui– nirca.

ESTER 5:6

Chai jatun micuipi vinota ubyacushpami, jatun mandajca Estertaca: –¿Imatataj ningui? Can mañajpica, ñuca mandacun chaupi llajtatapish cushallami– nirca.

ESTER 7:2

Chaica cayandij punlla jatun micuita ruracujpimi carca. Chai punllapish, jatun mandajca vinota ubyacushpami Estertaca: –Jatun mandaj Ester, ¿imatataj ningui? Imata nishpapish mañailla. Ñuca mandacun chaupi llajtata mañajpipish cushallami– nirca.

ESTER 9:12

Chaimantami paica jatun mandaj Ester huarmitaca cashna nirca: –Ñuca causacun cai Susa pueblopica, judiocunaca, ñami 500 runacunata huañuchircacuna. Shinallataj Amanpaj chunga churicunatapishmi huañuchircacuna. Ñuca mandacun caishuj llajtacunapicarin imallatapishchari rurarcacuna. ¿Imatataj ashtahuan rurachun ningui? Mañailla, ñucaca mandashallami– nircami.

Marcos 6:23

Ñuca mandacun chaupi llajtata cui nijpipish cushallami. Chaitaca pajtachishatajmi– nircami.

Lucas 18:41

–¿imatataj rurachun ningui?– nijpi, chai runaca: –Amito, ricuj canatamari chasquisha nini– nirca.

Hechos 23:19

Chashna nijpimi, huaranga soldadocunata mandajca huambrata maquimanta japishpa, paillata ch'icanchishpaca: –¿Imatataj huillasha ningui?– nishpa tapujpi,