ESTER 5:2 - Dios Rimashca Shimicunami

² Jatun mandajca, paipaj huarmi Ester canllaman shayacujta ricushcahuanmi c'uyaihuan ricurca. Chaimantami paipaj maquipi charicushca curi varataca ñaupajman chutarca. Chashna rurajpimi Ester c'uchuyashpaca, chai vara puntapi maquihuan tuparca.

ESTER 5:2 Iomraidhean Croise

GÉNESIS 32:28

Chaipimi chai runaca: –Canca cunanca ña mana Jacob shutichu cangui. Taita Dioshuanpish, runacunahuanpish macanacushpa mishashcamanta, Israel shutimi cangui– nirca.

NEHEMÍAS 1:11

Mandaj Dios quiquintami rogani. Cambaj shutita alli nina yuyaihuan cajcunataca cambajta ruraj ñuca mañashcatapish, cambajta ruraj caishujcuna mañashcatapish uyahuai. Cambajta ruraj ñuca jatun mandajpaj ñaupajpi alli ricurichun ayudahuai” nishpami Diosta mañarcani. Chai punllacunaca ñucaca jatun mandajman vinota pasachijmi carcani.

ESTER 2:9

Hegaica, chai Ester huarmica tucuicunata yalli alli cajpimi, sumajyachij jambicunahuan paitaraj utca allichichun churarca. Micunatapish ashtahuan allitami cararca. Shinallataj paipajta rurajcuna cachunca mandana huasipi caj, ashtahuan alli yachaj canchis huarmicunatami agllarca. Chai huarmicunahuanmi Estertaca, jatun mandajpaj huarmicuna tiyana huasipi caj ashtahuan alli ucucunapi causachun churarca.

ESTER 4:11

“Jatun mandaj tiyacun ucumanca pi mana yaicui tucunllachu. Pai manapish cayajpi chaiman yaicujpica, c'ari cajpi huarmi cajpipish mandashcapi nishca shinaca huañuchingatajmi. Pai llaquishpa mana huañuchisha nishpallami, paipaj maquipi charicun curi varatapish ñaupajman chutashpa ricuchinga. Chashna mandashca tiyashcataca, jatun mandajta tucui servijcunapish, pai mandacun tucui llajtacunapi causajcunapish allimi yachancuna. Ñucatacarin paita ricuchunca, ña shuj quillatamari mana cayan” nishpami huillanaman cacharca.

ESTER 8:4

Chashna mañajpimi jatun mandajca, pai charicushca curi varataca, Esterpaj ñaupajman chutarca. Chashna chutajpimi Ester jatarishpaca, paipaj ñaupajpi shayarishpa cashna nirca:

SALMOS 116:1

Ñucaca Mandaj Diosta c'uyanimi. Paimari ñuca mañashcata, ñuca caparishcata uyahuarca.

PROVERBIOS 21:1

Jatun mandajpaj shungutaca, Mandaj Diosmi paipaj maquipi charicun. Uchilla larcacunapi yacuta chaupij shina, pai munashcatami rurachin.

Hechos 10:4

Cornelioca manchaihuan ricurashpa: –Amito ¿imatataj nihuangui?– nijpi angelca: –Can mañashcacunapish Taita Diospajman chayashcami, can cushcacunatapish Taita Diosca ricushcami.

Hechos 7:10

llaquicunahuan José cajpipish Taita Diosca tucuipi huaquichirca. Chaimantami Josetaca Faraonpaj ñaupajpica mana c'uyaipajta c'uyajta, alli yachaj cajta ricuchirca. Chashna cajpimi, Egiptota jatun mandaj Faraonca Josetaca tucui chai llajtatapish, paipaj quiquin huasipi tiyajtapish mandachun churarca.