ESTER 5:11 - Dios Rimashca Shimicunami

¹¹ Paicunahuanmi Amanca, pai yallitaj charij cashcatapish, achca churicunata charishcatapish parlacurca. Shinallataj jatun mandajca, pai churashca tucui mandajcunamanta ashtahuan alli nishca canapica paillata churashcatapishmi parlacurca.

ESTER 5:11 Iomraidhean Croise

GÉNESIS 31:1

Labanpaj churicunaca: “Jacobca ñucanchij yaya imalla charishcacunatami japishca. Ñucanchij yayapaj charishcacunahuanmi cai tucuitaca charijyashca” ninacushcami Jacobpica uyarishca.

ESTER 1:4

Paica, achca llajtacunata mandaj cashcamanta, tucui imatapish sumaj charinacunata charij cashcata ricuchingapajmi, chaupi huatacama jatun micuita rurarca.

ESTER 3:1

Jatun mandaj Asueroca, chai ishqui soldadocunata huañuchishca asha punllacuna q'uipami, Agagpaj huahua huahuapura Hamedatapaj churi Amantaca tucui mandajcunata mandachun churarca.

ESTER 8:15

Mardoqueoca, jatun mandaj churarina shina azulhuan, yurajhuan churanata churarishca, jahuatapish linollamanta rurashca morado churanatami churashca carca. Umapica, curimanta rurashca sumaj coronatami churashca carca. Chashnami Mardoqueoca, jatun mandajpaj ñaupajmanta llujshirca. Chaimantami Susa pueblopi causajcunaca, jatunta cushicushpa caparircacuna.

SALMOS 49:6

Paicuna charishcacunapi shunguta churajcuna, paicuna achcata charishcacunallapi shunguta churajcunaca jatun tucuncunami.

SALMOS 49:7

Paicunapuramantaca shujllapish ima chaicunahuanca paipaj huauquitaca mana quishpichingachu. Paita quishpichichunpish Taita Diosmanca mana pagai tucungachu.

SALMOS 52:9

Quiquin chashna rurashcamantaca, huiñaitamari alabacushalla. Quiquinpaj shutillapimi shunguta churasha. Quiquin agllashcacunapaj ñaupajpi alli cashcamantaca quiquinpaj shutillatamari shuyasha.

ISAÍAS 10:8

Chaimi paica cashna niringa: “Jatun mandajcunaca ¿manachu ñuca churashca mandajcunalla?

DANIEL 4:30

jatun mandajca cashna nishpa rimarirca: “Babilonia yallitaj jatun pueblotaca ñucamari shayachircani. Mandashpa tiyana huasita chaipi shayachingapajmari ñuca tucuita rurai tucuj fuerzahuan rurarcani. Ñuca mandanaca tucuicuna ricuna jatun cachunmari rurarcani” niricurcami.

Marcos 10:24

Chashna nijpi yachacujcuna achcata mancharinacucujpimi cutinllataj Jesusca: –Huahuacuna, ¡ima charishcacunallapi shunguta churajcunaca, Taita Dios mandacujpica mana jahualla yaicui tucungachu!

1 Timoteo 6:17

Cai pachapi achcata charijcunataca ama jatun tucuchun, charinacunallapi ama yuyaita churachun mandangui. Chaicunaca chingarijllami. Ashtahuanpish ñucanchij cushicuchun tucui imatapish yallijta cuj causaj Taita Diospi yuyaita churachun mandangui.