ESTER 5:1 - Dios Rimashca Shimicunami

¹ Ña quimsa punlla tucujpimi, Esterca jatun mandaj huarmi churarina churanata churarishpaca, mandana huasi ñaupaj ucuman yaicurca. Chaiman yaicushpami jatun mandaj tiyacun mandana ucu ñaupajpi shayarirca. Jatun mandajca, chai ucupimi pungu ch'imbapurapi pai tiyanapi tiyacurca.

ESTER 5:1 Iomraidhean Croise

ESTER 1:11

Chashna cayashpaca, Vasti shuti jatun mandaj huarmitaca, coronata churachishpa paipajman pushachunmi cacharca. Chai huarmitaca tucui chaipi cajcunapish, tucui mandajcunapish, yallitaj sumaj cashcata ricuchunmi pushanaman cacharca.

ESTER 2:5

Jatun mandaj causacun Susa pueblopica, judiocunapuramanta Mardoqueo runami causacurca. Paica Simeipaj huahua huahuapura caj Jairpaj churimi carca. Simeica, Benjaminpaj aillupura caj Cispaj huahua huahuapurami carca.

ESTER 4:11

“Jatun mandaj tiyacun ucumanca pi mana yaicui tucunllachu. Pai manapish cayajpi chaiman yaicujpica, c'ari cajpi huarmi cajpipish mandashcapi nishca shinaca huañuchingatajmi. Pai llaquishpa mana huañuchisha nishpallami, paipaj maquipi charicun curi varatapish ñaupajman chutashpa ricuchinga. Chashna mandashca tiyashcataca, jatun mandajta tucui servijcunapish, pai mandacun tucui llajtacunapi causajcunapish allimi yachancuna. Ñucatacarin paita ricuchunca, ña shuj quillatamari mana cayan” nishpami huillanaman cacharca.

ESTER 4:16

“Judiocuna cai Susa pueblopi causajcunataca tandanacuchun mandagri. Chashna tandanacushpaca quimsa punllata, quimsa tutata ama imata micushpa, ama imata ubyashpa ñucamanta Diosta mañanguichij. Ñucapish ñucapajta ruraj huarmicunahuanmi ayunagrini. Chai q'uipami jatun mandajhuan rimanaman yaicusha. Mandashcata p'aquishpa chaiman yaicugrishcamanta huañuchishpapish, huañuchingallatajchari ninmi” nichunmi cacharca.

ESTER 4:17

Ester chashna nijpi rishpami, Mardoqueoca tucui imalla mandashcata rurarca.

ESTER 6:4

Chashna nicujpimi Amanca, jatun mandaj tiyacun huasi canllamanca paihuan rimangapaj chayarca. Amanca, sipina jatun caspita shayachishpa charicushca cashpami, chai caspipi Mardoqueota sipichichun ningapaj jatun mandajpajman chayarca. Canllaman puricujta uyashpami, jatun mandajca: –¿Pitaj canllapi puricun?– nishpa tapurca.

ESTER 8:15

Mardoqueoca, jatun mandaj churarina shina azulhuan, yurajhuan churanata churarishca, jahuatapish linollamanta rurashca morado churanatami churashca carca. Umapica, curimanta rurashca sumaj coronatami churashca carca. Chashnami Mardoqueoca, jatun mandajpaj ñaupajmanta llujshirca. Chaimantami Susa pueblopi causajcunaca, jatunta cushicushpa caparircacuna.

Mateo 10:16

Cancunataca ovejacunata atujcunapaj chaupiman cachaj shinami cachani. Culebra shina yachaj, paloma shina manso caichij.

Mateo 11:8

Mana cashpaca ¿Shuj runa sumaj churanacunata churarishcatachu ricugrircanguichij? Sumajta churarishcacunaca, jatun mandajcunapaj huasicunallapimi tiyan.

Mateo 27:64

Chaimanta, quimsa punllacama chai jutcuta soldadocuna alli cuidachun cachapai. Ñataj tuta rishpa paipaj yachacujcuna shuhuashpaca: “Huañushcacunapaj chaupimanta causarircami” nincunaman. Chashna rurajpica, pai sarunman llullacushcatapish yalli tucunman– nircacunami.

Lucas 22:30

Chashna cujpimi ñuca mandacujpica, ñucahuan micunguichij, ubyanguichij. Cancunaca mandangapaj tiyarinapi tiyarishpami, chunga ishqui Israel aillucunata paicuna imalla rurashcata ricuchinguichij– nircami.

Apocalipsis 3:21

Llaquicunata mishajtaca ñuca jatun tiyarinapimi, ñucahuan tiyachisha. Ñucapish mishashcamantami, ñuca Yayahuan paipaj jatun tiyarinapi tiyarircani.