ESTER 4:8 - Dios Rimashca Shimicunami

⁸ Shinallataj judiocunata huañuchichun mandashca tiyacun quillcamanta shujtaj quillcata rurashpami, Esterpish tucuita yachachun nishpa, chai quillcataca paiman cuchun cacharca. Jatun mandajca chai mandashca quillcacunataca, Susa pueblopica tucuicuna ricunallapimi ña churachishca carca. Shinallataj Mardoqueoca, judiocunata ama llaquichichunmi, jatun mandajhuan rimagri ninmi nishpa Esterman huillachun Hatac runaman mingarca.

ESTER 4:8 Iomraidhean Croise

ESTER 2:20

Esterca, paita huiñachij Mardoqueo yachachishca shinallatajmi mai llajtamanta cashcatapish, maijanpaj huasi ucupura cashcatapish piman mana huillarca. Paica, Mardoqueohuan causacushca shinallatajmi, pai imalla yachachishcataca cazurca.

ESTER 4:9

Hatac runa ña tigrashpaca, Mardoqueo imalla nishcatami Esterman huillarca.

ESTER 8:6

Tucui ñuca llajtapuracunatapish, ñuca quiquin huasi ucupuracunatapish huañuchichunca, maitataj ricucushallari. Tucui ñucanchij jahuapi cai jatun llaqui shamujta yachashca jahuaca, maitataj upalla cashari– nircami.

JOB 9:15

Ñucaca cashcata ruraj cashpapish, mana imata cutichi tucuimanchu. Ashtahuanpish ñuca jueztaca rogarimanllami.

SALMOS 122:6

Jerusalenpica sumaj causai tiyachun cashna mañaichigari: ¡Canta c'uyajcunaca achca allicunayuj tucushca cachun!

PROVERBIOS 21:1

Jatun mandajpaj shungutaca, Mandaj Diosmi paipaj maquipi charicun. Uchilla larcacunapi yacuta chaupij shina, pai munashcatami rurachin.

ECLESIASTÉS 10:4

Mandaj canhuan p'iñarijpica, can imata ruracushcataca ama shitashpa saquinguichu. Casijlla saquirijpica, yallitaj p'iñarishca cashpapish alli tucungallami.

Hechos 12:20

Herodesca Tiropi, Sidonpi causajcunahuanmi p'iñarirca. Chashna p'iñarishpami chai llajtapi causajcunamanca Herodesca paicuna imalla randina cashcata ña mana c'aturca. Chaimantami chai pueblopi causajcunaca Herodes churashca mandaj Blastohuan shuj yuyailla tucushpa, sumajlla causanata Herodestaca mañarcacuna.

1 Timoteo 6:13

Tucuiman causaita cuj Taita Diospaj ñaupajpi, Poncio Pilatoman imapaj shamushcata huillaj Jesucristopaj ñaupajpipishmi, cantaca mandani.

1 Timoteo 6:17

Cai pachapi achcata charijcunataca ama jatun tucuchun, charinacunallapi ama yuyaita churachun mandangui. Chaicunaca chingarijllami. Ashtahuanpish ñucanchij cushicuchun tucui imatapish yallijta cuj causaj Taita Diospi yuyaita churachun mandangui.