ESTER 4:16 - Dios Rimashca Shimicunami

¹⁶ “Judiocuna cai Susa pueblopi causajcunataca tandanacuchun mandagri. Chashna tandanacushpaca quimsa punllata, quimsa tutata ama imata micushpa, ama imata ubyashpa ñucamanta Diosta mañanguichij. Ñucapish ñucapajta ruraj huarmicunahuanmi ayunagrini. Chai q'uipami jatun mandajhuan rimanaman yaicusha. Mandashcata p'aquishpa chaiman yaicugrishcamanta huañuchishpapish, huañuchingallatajchari ninmi” nichunmi cacharca.

ESTER 4:16 Iomraidhean Croise

GÉNESIS 18:19

Abrahamtaca paipaj huahua huahuacunatapish, chaicunapaj huahua huahuacunatapish Mandaj Dios mandashcacunataca cashcata rurashpa causanata, pai nishca shinataj rurashpa pajtachina cashcata yachachinataca yachanimi. Abrahamca Mandaj Dios paiman cusha nishcacunata pajtachichunmi chashna rurana can” nircami.

GÉNESIS 43:14

Pailla Tucuita Rurai Tucuj Taita Diosca, chai mandajtaca cancunata llaquina yuyaita cushca alli canman. Chai mandaj cancunata llaquishpaca Simeontapish, cai Benjamintapish cacharingapishchari. Mana chashna rurajpi huahuacuna illajlla ñuca saquirina cajpica, chashna cangatajchari– nirca.

2 SAMUEL 10:12

Taita Diospaj agllashcacunamanta, ñucanchij pueblomantaca c'ari c'ari cailla, c'ari c'ari cashunlla. Mandaj Dios paipaj ima shina alli canapaj rurachunlla” nirca.

2 REYES 7:4

Puebloman yaicushpapish jatun yaricai tiyashcamantaca chaipipish huañushunllatajmi. Caipi tiyacushpallapish huañushunllatajmi. Chaipaj randica, sirio soldadocuna tiyacun carpa huasicunaman jacuchij. Paicuna mana huañuchijpica causashunmi, paicuna huañuchijpica huañushunllatajchari– ninacurcacuna.

2 CRÓNICAS 20:3

Chaita huillajpica Josafatca manchashpami, Mandaj Diosman huillangapaj shunguhuantaj llaquirirca. Chashna llaquirishpaca, tucui Judá llajtapi causajcunamanmi mana micushpa Diosta mañachun huillajcunata cacharca.

ESDRAS 8:21

Ahava jatun yacu c'uchullapitaj cashpami, ñucanchijtapish, ñucanchij huahuacunatapish, ñucanchij imalla charishcacunandij ñanta Dios alli pushachun, paipaj ñaupajpi llaquirishca shunguhuan paita mañangapaj ayunashunchij nishpa mandarcani.

ESTER 4:15

Chashna huillajpimi Esterca, cutinllataj cashna nichun Mardoqueopajman cacharca:

ESTER 4:17

Ester chashna nijpi rishpami, Mardoqueoca tucui imalla mandashcata rurarca.

ESTER 4:3

Shinallataj jatun mandaj mandashpa quillcachishcacunataca, tucui llajtacunapimi chayashpa huillarcacuna. Chaimantami judiocuna yallitaj llaquirishpa, aij nishpa huacarcacuna. Chashna huacashpaca cañamazuta churarishpami, mana micurcacuna. Shinallataj achcacunami chai churanata churarishpaca, ushpapi sirirircacuna.

ESTER 5:1

Ña quimsa punlla tucujpimi, Esterca jatun mandaj huarmi churarina churanata churarishpaca, mandana huasi ñaupaj ucuman yaicurca. Chaiman yaicushpami jatun mandaj tiyacun mandana ucu ñaupajpi shayarirca. Jatun mandajca, chai ucupimi pungu ch'imbapurapi pai tiyanapi tiyacurca.

ESTER 9:31

Chai quillcacunapica, Judá llajtamanta caj Mardoqueohuan, jatun mandaj Ester huarmihuanca, ñaupaman paicuna mandashca shinapish, paicunallataj huahua huahua chai Purim nishca punllacunapica chai punllacunapitaj huatanta yuyarina tucushca shinapish yuyarichunmi mandarcacuna. Shinallataj chai punllacuna chayajpica paicunapish, paicunapaj huahua huahuacunapish mana micushpa huacashpa Diosta mañashcata yuyarishpa chashna rurachunmi mandarca.

ISAÍAS 22:12

Chaimi tucuita Mandaj Jatun Diosca cancunataca umata lluchuta ruturishpa, cañamazuta churarishpa chai punllapi jatunta llaquirishpa caparishpa huacachun cayarca.

JEREMÍAS 36:9

Josiaspaj churi jatun mandaj Joacimca, Judá llajtataca ñami pichca huatata mandacurca. Chai huatapaj quillapimi Jerusalenpi causajcunatapish, Judá llajtapi caj tucui caishuj pueblocunamanta Jerusalenman shamujcunatapish Mandaj Diospaj ñaupajpi mana micushpa mañashun nircacuna.

DANIEL 2:18

Pi mana yachaipaj cashcataca jahua pacha Taita Dios paicunata llaquishpa huillachichun nishpa mañachunmi chashna huillarca. Jatun mandaj tapushcata mana huillashpaca Danielpish, paihuan cajcunapish Babiloniapi tiyaj jatun yachajcunahuanmi huañuna carca.

Mateo 12:40

Jonas, shuj jatun chalhuapaj huijsa ucupi quimsa punllata, quimsa tutata cashca shinallatajmi. Runa Aichayujpish, allpa ucupi quimsa punllata, quimsa tutata canga.

Lucas 9:24

Pipish paipaj causaita quishpichisha nijca, chingaringami. Pipish ñucamanta paipaj causaita chingachijmi, quishpiringa.

Juan 19:22

Ashtahuanpish Pilatoca: –Ima shina quillcashcaca, chashnami saquiringa– nircami.

Hechos 10:7

Chai rimacuj ángel ña rijpica, Cornelioca paipajta ruraj ishqui runacunatapish, Taita Diosta yuyarij pai alli nishca soldadotapishmi cayarca.

Hechos 20:24

Ashtahuanpish chaicunataca mana manchanichu. Ñuca causaitapish mana c'uyanichu. Chaipaj randica Taita Diosca mana c'uyaipajta c'uyaj cashca alli huillaita huillashpa, Mandaj Jesuspajta rurangapaj chasquishcata cushicushpa pajtachina yuyaillami cani.

Hechos 21:13

Shina nijpipish Pabloca: –Cancuna chashna huacashpa ñuca shunguta llaquichishpallaca ñucataca mana ayudanguichijchu. Ñucaca mana huatashcallachu casha nini. Ashtahuanpish Mandaj Jesusmantaca, Jerusalenpi huañuna cajpipish huañushallami– nircami.

Hechos 27:33

Ña pacarimugrijpimi Pabloca tucuicuna micunami, can nishpa micunayachichun cashna nirca: –Ña ishqui semanatamari mana dormishca, imata mana micushca canguichij.

Hechos 9:9

Chaipimi quimsa punllacunata imata mana ricui tucushpa, imata mana micushpa, imata mana ubyashpa tiyacurca.

Romanos 16:4

Ñuca causaita quishpichisha nicushpallami, paicunaraj ashallamanta mana huañurcacuna. Chaimanta paicunataca mana ñucallachu pagui nini, ashtahuanpish mana judío caj tucui tandanacushca crijcunapishmi pagui nincuna.

Filipenses 2:30

Paica Cristopajta ruracushcamantaca huañunallami carca. Cancuna ñucaman mana servi tucujpimi, paipaj aicha ungüi tucushpapish cancunapaj randi servirca.

JOSUÉ 24:15

Mandaj Diospajta rurashpa causana mana alli yuyachijpica, cunanllataj maijan diospajta rurasha nishpapish alli yuyaringuichij. Cancunapaj ñaupa yayacuna, Éufrates jatun yacu uripi caj llajtapi causacushpa shujtaj dioscunapajta rurashca shina rurasha nishpapish, mana cashpaca cunan cancuna causacun cai llajtapi causaj amorreocunapaj dioscunapajta rurashun nishpapish alli yuyaringuichij. Ashtahuanpish ñucapish, ñuca huasi familiapish Mandaj Diospajtami rurashun– nircami.

1 SAMUEL 19:5

Davidca quiquin causaitapish mana llaquishpami, filisteotaca huañuchirca. Chaimi Mandaj Diosca tucui israelcunata quishpichirca. Ima mana allitapish mana ruraj Davidta huañuchishpaca, manapish millaita rurajpaj yahuarta jichashpamari juchallingui– nircami.