ESTER 4:14 - Dios Rimashca Shimicunami

¹⁴ Jatun mandajhuan mana cunantaj can rimajpipish, ñucanchij judiocunapajca ima shinapish quishpirinaca tiyangami. Ashtahuanpish cantami cambaj yayapaj huasi ucupuracunandijta huañuchingacuna. Cai llaquimanta ñucanchijta quishpichingapaj canca jatun mandajpaj huarmi tucurcanguipishchari” nichunmi cacharca.

ESTER 4:14 Iomraidhean Croise

GÉNESIS 22:14

Chaimi Abrahamca chaitaca: “Ima illashcata Mandaj Dios cuna urcu” shutita shutichirca. Chaimi cunancama: “Ima illashcataca Mandaj Diospaj urcupimi cunga” nincuna.

2 REYES 13:5

(Chaimi Mandaj Diosca Siria llajta runacuna llaquichicunmanta paicunata llujshichichunca shuj runata cacharca. Chai llaquimanta pai llujshichijpimi, israelcunaca paicunapaj quiquin huasicunapi ñaupa shinallataj sumajta causarcacuna.

2 REYES 19:3

Paicunataca: “Ezequiasca cashnami nin nigrichij: Cunan punllaca c'amishcamanta yallitaj jatun llaquihuan llapishcami canchij. Huahua ña huacharinalla cajpi huachacuj mana fuerzata charij shinami canchij.

ESDRAS 9:9

Ñucanchijca shujtajcunapajta rurajcunami canchij. Shujtajcunapajta rurajcuna cajpipish ñucanchij Taita Diosca manataj saquishcachu. Ashtahuanpish ñucanchij Diospaj huasi urmashcata cutin shayachinaman rinapaj ñucanchij fuerzarichunca Persia llajtata jatun mandajcunapaj ñaupajpimi c'uyaita ricuchircangui. Judapi, Jerusalenpi cajpipish canmi huaquichircangui.

NEHEMÍAS 6:11

Chaimi ñucaca: “¿Ñuca shina c'ari c'ari runaca miticungami yuyanguichari? ¿Ñuca shina c'ari c'ari runaca paipaj causaita quishpichingapajca Diospaj huasiman yaicungachari? Manataj yaicushachu” nircanimi.

ESTER 2:15

Esterca, Mardoqueopaj tío Abihailpaj ushushimi carca. Paitaca Mardoqueomi paipaj quiquin ushushita shina huiñachirca. Esterca jatun mandajpajman rina punlla chayajpica, ima sumaj churarinacunata mana mañarcachu. Jatun mandajpaj huarmicunata cuidaj Hegai shuti eunuco runa mandashcallatami churarirca. Estertaca, tucui paita cuidajcunami c'uyarcacuna.

ESTER 2:17

Jatun mandaj Asueroca, Estertami tucui caishuj huarmicunamanta yalli munarca. Chashna munashpa c'uyashpami, paitaca Vasti shuti huarmipaj randi jatun mandaj cachun coronata churachirca.

ESTER 2:7

Mardoqueomi, paipaj tío huañujpica, chai tiopaj ushushi Hadasa nishca Estertaca, paipaj quiquin huahuata shina huiñachirca. Esterpaj mamapish ñami huañurca. Esterca, sumaj ñahuiyuj, jatun, alli solterami carca.

ESTER 4:13

Chashna huillajpipish Mardoqueoca, cutinllatajmi cashna nichun Esterpajman cacharca: “Canpish judiocunapurallatajmi cangui. Chashna cashcamantaca, mandana huasipi causacushcamanta, canllata mana huañuchina cashcataca ama yuyaichu.

ESTER 4:15

Chashna huillajpimi Esterca, cutinllataj cashna nichun Mardoqueopajman cacharca:

JOB 9:18

Cushicuita charichunpish, mana saquinchu. Ashtahuanpish jatun llaquicunallatamari apachihuarca.

ECLESIASTÉS 3:7

Churanata lliquingapajpish, sirangapajpish, upalla cangapajpish, rimanacungapajpish punllami chayan.

ISAÍAS 49:23

Jatun mandajcunami cancunataca huahuata cuidaj shina cuidanga. Jatun mandaj huarmicunami cancunapajca huiñachij mama shina canga. Cambaj ñaupajpi cungurishpami pambaman tupajta cumuringacuna. Cambaj chaquipi caj ñutu allpatami lambingacuna. Chaipimi ñucataca Mandaj Diostaj cashcata yachangui. Ñucapi shunguta churashpa shuyajcunaca, manataj pingai tucungacunachu” ninmi.

ISAÍAS 54:17

Canta tucuchingapaj ashtahuan ima macanacunacunata rurajpipish, cantaca chaicunaca imata mana rurai tucungachu. Canta llaquichingapaj tucui parlanacujcunatapish, canrajmi llaquipi churangui. Mandaj Diospajta rurajcuna japina cashcata japinaca, ñuca paicunata llaquimanta quishpichinami” ninmi Mandaj Diosca.

JEREMÍAS 30:11

Ñucaca cancunata quishpichingapaj cancunahuanmi cani. Ñuca cancunata mai llajtallaman prezu cachashca cashpapish, chai llajtacunataca tucuchishami. Ashtahuanpish cancunataca mana tucuchishachu. Llaquichinataca llaquichishatajmi. Shina cashpapish cancunataca allichingapajllami llaquichisha” ninmi Mandaj Diosca.

JEREMÍAS 46:28

Jacobopaj huahuacunalla, cancunaca ñucata servijcunamari canguichij, ama manchaichijchu. Ñucamari cancunahuan casha. Ñuca llujshichishpa cachajpi, cancunata apashca llajtacunata tucuchishpapish, cancunataca mana tucui chingachishachu. Ashtahuanpish cancunataca llaquichina shinallatami llaquichisha. Shina cashpapish, cancunataca llaquichinatajmi cani ninmi Mandaj Diosca” nircami.

LEVÍTICO 26:42

Chaipimi ñucaca Jacobhuan ari ninacushcata, Isaac-huan ari ninacushcata, Abrahamhuan ñuca ari ninacushcata yuyarisha. Llajtatapish yuyarishami.

Mateo 16:18

Ñucapish cantaca Pedromi cangui ninimi. Cai rumi jahuapimi, tandanacushca crijcunataca shayachisha. Hadespaj pungucunapish mana mishai tucungachu.

Mateo 24:22

Chai llaqui punllacunata Dios mana utca tucuchijpica, pi mana causanmanchu. Ashtahuanpish Diosca pai agllashcacunata c'uyashcamantami, chai llaqui punllacunataca utca tucuchinga.

DEUTERONOMIO 32:36

Mandaj Diosca pai agllashcacunamanta shayaringami. Paipajta rurajcuna llaquita apacujta ricushpaca llaquiringami. Fuerza illajlla cajta ricushpami llaquiringa. Amopajta rurajcunapish, amopajta mana rurajcunapish tucuricujta ricushpami llaquinga.

JUECES 15:6

Filisteocunaca: –¿Pishi chaitaca rurarca?– nishpa tapui callarijpimi, –Timnat pueblopi causaj runamari, Sansonpaj huarmi caj paipaj ushushitaca, Sansonhuan apanacuj runahuan cazarachirca. Chaimanta Sansón p'iñarishpamari chashna rurashca– nishpa huillajpimi, filisteocunaca chai huasiman rishpa chai runataca paipaj ushushindij rupachircacuna.

1 SAMUEL 12:22

Mandaj Diosca, pai tucuita rurai tucuj cashcata, pai agllashca israelcunapi ricuchingapaj agllashcamantaca paipaj cajcunataca manataj saquingachu.

1 SAMUEL 17:29

Chaimi Davidca: –Cunanca ñucaca ¿imatataj rurashcani? ¿Manachu shuj shimillapish llujshipaj cani?– nirca.