ESTER 4:1 - Dios Rimashca Shimicunami

¹ Judá llajta runacunataca tucuicunata huañuchichun nishpa huillachishcata uyashpami, Mardoqueoca llaquirishpa paipaj churanata lliquishpa cañamazuta churarirca. Umapipish ushpata shitarishpami, caparirishpa huacashpa tucui pueblota purirca.

ESTER 4:1 Iomraidhean Croise

GÉNESIS 27:34

Paipaj yaya shina nijta uyashpami Esauca jatunta llaquirishpa, yallitaj jatunta caparirishpa huacashpaca: –Ñuca yayito, ñucatapish alli cashca cachun nipayari– nirca.

GÉNESIS 37:34

Jacobca paipaj churanacunata lliquirishpa, cañamazuta churarishpami paipaj churimantaca achca punllacunata llaquilla carca.

2 SAMUEL 1:11

Chaimi Davidca pai churashca churanata chutashpa lliquirirca. Paihuan caj runacunapish chashnallatajmi rurarcacuna.

2 SAMUEL 13:19

Tamarca ushpata japishpami paipaj umapi shitarirca. Murujlla churanata churarishcatapish lliquirishpami, paipaj uma jahuapi maquicunata churashpa caparirishpa rirca.

ESTER 4:2

Chashnami Mardoqueoca, jatun mandaj yaicuna pungucama chayarca. Chaimanca pipish cañamazuta churarishcaca, mana yaicunallachu carca.

ESTER 4:3

Shinallataj jatun mandaj mandashpa quillcachishcacunataca, tucui llajtacunapimi chayashpa huillarcacuna. Chaimantami judiocuna yallitaj llaquirishpa, aij nishpa huacarcacuna. Chashna huacashpaca cañamazuta churarishpami, mana micurcacuna. Shinallataj achcacunami chai churanata churarishpaca, ushpapi sirirircacuna.

JOB 1:20

Chaimantaca Jobca jatarishpami, paipaj churanatapish lliquirishpa, uma ajchatapish rasparishpa, pambapi cungurishpa Diosta adorashpa,

JOB 2:8

Chaimantami Jobca ushpapi tiyarishpa mirga callanata japishpa, chaihuan aspirirca.

JOB 42:6

Chaimantami ñucallataj manchanayajta llaquirishpa, allpa jahuapi ushpa jahuapi tiyarini” nircami.

ISAÍAS 15:4

Hesboncunapish, Elealecunapish caparingacunami. Paicuna caparishcaca Jahaza pueblocamami uyaringa. Chaimi Moabpaj alli macanacuj soldadocunapish caparingacuna. Paicunapaj almapish chujchucungami.

ISAÍAS 22:4

Chaimantami cashna nircani: “Ñuca llajtapi causajcunata ñutuchishca cashcamanta ñuca yallitaj amijta huacachun saquichijlla. Ama ashtahuan huacaichu nishpa cushichinataca ama yuyaichijchu.

ISAÍAS 37:1

Chaita uyashpaca jatun mandaj Ezequiasca paipaj churanata lliquirishpa, cañamazuta churarishpami, Mandaj Diospaj huasiman shamurca.

ISAÍAS 37:2

Ezequiasca mayordomo Eliaquimtapish, quillcaj Sebnatapish, curacunata pushaj curacunatapish cañamazuta churarishcacunatami, Amozpaj churi profeta Isaiaspajman richun cacharca.

ISAÍAS 58:5

Cancunaca junco shina umata cumurichishpa llaquilla tucushpami ayunashpa cainanguichij. Cañamazuhuan mantashpa ushpata shitarishpami ayunanguichij. ¿Chashna ayunachunchari ñucaca mandarcani? ¿Chashna rurashpachu ayuno cashcata yuyanguichij? ¿Mandaj Dios munashcata rurashpa cainacushcatachu yuyanguichij?

EZEQUIEL 21:11

Chai espadataca maquipi charingapajmi, achijllata rurajman curca. Chaimantami chai espadataca filosapata rurashca tiyacun. Ñami huañuchijpaj maquipi churanalla tiyacun.

EZEQUIEL 21:6

Huañujlla aichayuj runalla, paicuna ricucujpi tucui aicha nanarishpa manchanayajta huacangui.

DANIEL 9:3

Chaita ricushpaca, mana micushpa, cañamazuta churarishpa, ushpata shitarishpa Taita Diosta, Jatun Diosta mañashpa rogarishpa mashcangapajmi paipaj ladoman ñuca ñahuita churarcani.

MIQUEAS 1:8

Chai tucui llaquicunamantaca, llaquinayajtami huacasha. Shinallataj churanapish illajlla lluchullami purisha. Chacalcuna shinapish, avestruzcuna shinapishmi llaquinayajta huacasha.

SOFONÍAS 1:14

Mandaj Dios jatunta llaquichina punllaca ñallamari chayamucun. Chai punllaca ñallamari pajtamucun. Mandaj Dios llaquichicui punllaca, jatun llaqui, huacai punllami canga. Chai punllapica, c'ari c'ari tucushca runacunapish capariringacunami.

Mateo 11:21

“Aij Corazinpi causajcunalla, aij Betsaidapi causajcunalla. ¡Imachari tucunguichij! Cancunapajpi rurashca shina milagrocunata Tiropi, Sidonpi rurashca cajpica, paicunarajchari mana allita ruracushcata saquishcata ricuchingapaj cañamazuta churarishpa, ushpata shitarinman carcacuna.

Hechos 14:14

Chaita uyashpami apóstol Pablopish Bernabepish llaquirishcata ricuchishpa paicunapaj churanacunata lliquirishpa, chai tucuicunapaj chaupiman caparirishpa yaicushpaca,

JOSUÉ 7:6

Chaimantami Josuepish, israelcunata cunaj yuyajcunapish llaquirishpa paicunapaj churanacunata lliquirishpa, uma jahuapi allpahuan shitarircacuna. Mandaj Diospaj arca ñaupajpimi chishiyangacama pambaman tupajta cumurishca carcacuna.

Apocalipsis 11:3

Chaipimi ñucamanta imallata ricushcata huillachun ishqui huillajcunata cachasha. Paicunaca llaquilla cashcata ricuchingapajmi, cañamazuta churarishca 1.260 punllacunacama ñucamanta huillangacuna.