ESTER 3:8 - Dios Rimashca Shimicunami

⁸ Suerteta rurashca q'uipami, Amanca jatun mandaj Asuerotaca cashna nirca: –Can jatun mandaj mandacun tucui llajtacunapi causajcunapurapimi shujcunaca paicunapuralla ch'ican ruranacunata rurashpa causacuncuna. Mandashcacunatapish tucui shujtajcunamanta ch'ican mandashcacunatami charincuna. Can jatun mandaj mandashcacunataca mana cazuncunachu. Paicunamantaca ima allitapish mana japicunguichu. Chashnacunataca can jatun mandajca, mana ashtahuan charinachu cangui.

ESTER 3:8 Iomraidhean Croise

ESDRAS 4:6

Jatun mandaj Asuero mandai callarijpipish Judacunata, Jerusalencunata juchachishpami cutinllataj quillcata cacharcacuna.

NEHEMÍAS 1:8

Quiquinpajta ruraj Moisesman cashna nishcata yuyaripai: Cancuna juchallijpica, ñucaca urata janajta tsirapashpami tucui pueblocunaman cachasha.

ESTER 3:9

Chashna cashcamantaca, can jatun mandajpaj yuyaipi alli cajpica, tucui chaicunata huañuchichun mandashpa quillcachiyari. Chaicunata huañuchishcamantaca, can jatun mandajpajmi, mandana huasipi cullquita huaquichijcunamanca, 10.000 talento cullquita cusha– nircami.

ESTER 4:1

Judá llajta runacunataca tucuicunata huañuchichun nishpa huillachishcata uyashpami, Mardoqueoca llaquirishpa paipaj churanata lliquishpa cañamazuta churarirca. Umapipish ushpata shitarishpami, caparirishpa huacashpa tucui pueblota purirca.

JEREMÍAS 33:24

“Mandaj Diosca paillatajmi Israel aillucunatapish, Judá aillutapish agllashca carca. Shina cashpapish, cunanca ñami shitashca nishpa chai runacuna rimacujtaca ¿manachu uyangui? Chashna nishpami paicunaca ñuca agllashcacunataca, ña mana llajta cashcata yuyashpa yangapi charicuncuna.

JEREMÍAS 50:17

Israelcunaca, leoncuna catijpi chingarishca ovejacuna shinami. Puntaca Asiria llajtata jatun mandajmi micurca. Pai saquishcacunataca, Babilonia llajtata jatun mandaj Nabucodonosormi tucui tullucunata p'aquishpa micurca.

EZEQUIEL 11:16

Chaimanta paicunamanca cashna huillai: Mandaj Jatun Diosca cashnami nin: Paicunataca caru llajtacunapi causagrichun cachashca cashpapish, shujtaj llajtacunaman caita chaita cachashca cashpapish, ñucallatajmi paicunapaj huasica casha ninmi ningui.

EZEQUIEL 6:8

Shina cashpapish cancunataca mana tucuicunata huañuchishpami, ashacunallata saquisha. Chaicunataca tucui llajtacunamanmi caita chaita cachasha.

DANIEL 3:8

Chai punllacunallatajmi, caldeocunapuramanta maijancunaca, judiocunata llaquichingapaj juchachishpa huillanaman shamurcacuna.

DANIEL 6:13

Shina nijpimi, paicunaca jatun mandajmanca cashna nircacuna: –Judamanta prezu apamushcacunapuramanta caj Danielca, can jatun mandajtaca mana cazunchu. Can chashnataj cachun nishpa churashca mandashcatapish mana cazunchu. Ashtahuanpish punllapi quimsa cutinmari, paipaj Taita Diosta mañan– nircacunami.

DANIEL 6:14

Shina nijta jatun mandaj uyashpaca, yallitaj llaquirishpami Danielta ima shina quishpichinata inti huashicungacama yuyacurcalla.

LEVÍTICO 26:33

Cancunataca shujtaj llajtacunamanmi urajta janajta cachasha. Espadata llujshichishpa catirashpa llaquichishpami chashna rurasha. Cancunapaj llajtapish chushajllami saquiringa. Cancunapaj pueblocunapish shitashca pambacunami saquiringa.

ZACARÍAS 7:14

Ashtahuanpish paicunataca, jatun acapanahuanmi llujshichishpa tucui llajtacunaman caita chaita cacharcani. Chaimantami paicuna causana llajtaca, llaquinayaj saquirirca. Pipish mana tigrashpa ricuipaj jatun llaquimi tucurca. Paicuna munashca allpaca, shitashcami saquirirca” ninmi.

NÚMEROS 23:9

Cai peña urcucuna puntamantami israelcunataca ricuni. Cai lomacunamantami israelcunataca ricuni. Israelcunaca ima manchai illajllami causacuncuna. Israelcunaca shujtaj llajtacuna shina mana causancunachu.

Juan 7:35

Chaimi judiocunaca paicunapura cashna ninacurca: –Ñucanchij mana japi tucuchunca ¿Caica maimanshi rigrin? ¿Griegocunapaj llajtapi causacuj israelcunapajman rishpa griegocunata yachachinamanchu ringa, imashi?

Hechos 24:5

Ñucanchijpajca cai runaca purij ungüi shinami. Chashna cashpami paica tucui llajtacunata rishpa judiocunata pandata yachachishpa p'iñanacuita jatarichishpa puricushca. Paica chai nazareno runata catijcunata mandajmi cashca.

Hechos 28:22

Ñucanchijca can caticushca mushuj yachanata maipipish p'iñashpa rimacushcatami uyarcanchij. Chaimantami can imallata yuyashcata uyashun ninchij nircacunami.

DEUTERONOMIO 30:3

Chashna cajpimi Mandaj Dios cancunapaj Taita Diosca cancunata llaquishpa, prezu cachashcamanta tigrachimuna tucushpa tucui pueblocunata urata janajta pai maillaman cachashcacunataca tandachishpa cutinllataj pai cushca llajtaman tigrachimunga.

DEUTERONOMIO 32:26

Paicunataca mai caruta cachashpa tsirapanatami yuyarcani. Chashna rurashpami paicunataca pi ama ashtahuan yuyarichun cai pachapi causaj runacuna puramantaca chingachisha' nircani.

DEUTERONOMIO 4:27

Mandaj Diosllataj cancunataca shujtaj llajtacunaman urata janajta cachajpimi urata janajta rishpaca chaicunapica ashacunalla saquiringuichij.

Santiago 1:1

Taita Diospajtapish, Mandaj Jesucristopajtapish ruraj Santiagomi cani. Caita chaita rishca chunga ishqui aillucunatami allilla cashca cachun nini.

1 Pedro 1:1

Jesucristopaj apóstol Pedromi, quiquin llajtamanta llujshishpa caita chaita rishpa Pontopi, Galaciapi, Capadociapi, Asiapi, Bitiniapi causacujcunaman quillcani.