ESTER 3:7 - Dios Rimashca Shimicunami

⁷ Huata callari Nisán quillapimi, Amanca tucui israelcunata ima quillapi, ima punllapi huañuchinata yachangapaj Pur nishca suertecunata rurachirca. Chashna suerteta rurachijpica, huata tucuri Adar shuti quillapaj chunga quimsa punllapajmi urmarca. Suerteta rurachi punllaca, jatun mandaj Asuero chunga ishqui huatata mandai callari huatami carca.

ESTER 3:7 Iomraidhean Croise

ESDRAS 4:6

Jatun mandaj Asuero mandai callarijpipish Judacunata, Jerusalencunata juchachishpami cutinllataj quillcata cacharcacuna.

ESDRAS 6:15

Jatun mandaj Darío sujta huatata ña mandacujpi, Adar quillapaj quimsa punllapimi chai huasitaca tucuchircacuna.

NEHEMÍAS 2:1

Jatun mandaj Artajerjes ishqui chunga huatata ña mandacujpi Nisán quillapimi cashna tucurca: Jatun mandajpaj ñaupajpi vino ña cajpi, chai vinota japishpami jatun mandajman cucurcani. Ñucaca ñaupamanca jatun mandajpaj ñaupajpica mana llaquilla caj cashca cajpimi,

ESTER 1:3

Jatun mandaj Asueroca, quimsa huatata mandacushpami, paita servijcunahuanpish, pai churashca mandajcunahuanpish jatun micuita rurarca. Chai jatun micuimanca Persia shuti, Media shuti llajtacunapi causaj soldadocunata mandajcunatapish, tucui llajtacunapi pai churashca mandajcunatapishmi cayarca.

ESTER 2:16

Jatun mandaj Asueroca, ñami canchis huatata mandacurca. Chai huatapaj chunga quilla caj Tebet shuti quillapimi Estertaca, jatun mandajpajman pusharcacuna.

ESTER 9:1

Huatapaj chunga ishqui quilla Adar shuti quillapaj chunga quimsa punllapimi, judiocunaca jatun mandaj mandashcata rurana carca. Israelcunata p'iñajcunapish paicuna munashca shina llaquichishpa charingapajca, chai punllallatatajmi shuyarcacuna. Ashtahuanpish tigramanmi llaqui tucurcacuna. Judiocunarajmi paicunata p'iñajcunataca, paicuna munashca shina llaquichircacuna.

ESTER 9:21

Adar shuti quillapaj chunga chuscu punllatapish, chunga pichca punllatapish huatanta yuyarichunmi mandarca.

ESTER 9:5

Judiocunaca, paicunata p'iñajcunataca paicuna munashca shinami llaquichircacuna. Shinallataj espadacunahuan huañuchircacunapishmi.

PROVERBIOS 16:33

Migllapi suerteta rurajpipish, Mandaj Diosmi imata ruranataca ricuchin.

Mateo 27:35

Jesusta chacatashpaca paipaj churanacunataca sorteashpami, soldadocunaca chaupircacuna. Profeta huillashca shinallataj: “Ñuca churanataca sorteashpami, paicunapura chaupircacuna” nishca pajtachunmi chaica tucurca.