ESTER 3:2 - Dios Rimashca Shimicunami

² Chashna churashpami, jatun mandajca paita servijcunataca, Amán ricurijpi, mana cashpaca paicunapaj ñaupajta rijpica, paipaj ñaupajpi tucuicuna cungurishpa pambacama cumurichun mandashca carca. Chaimantami jatun mandajta servijcunaca Amán ricurijpica, paipaj ñaupajpi cungurishpa cumurijcuna carca. Chashna mandashca cajpipish, Mardoqueoca mana cazurcachu.

ESTER 3:2 Iomraidhean Croise

GÉNESIS 41:43

Faraonca Josetaca, pai purina carropaj cati carropi huichiyachishpami chaipaj ñaupajtaca: “¡Cungurichij!” nishpa caparishpa ñaupajta churarca. Chashnami Joseca tucui Egipto llajtapaj mandaj saquirirca.

ESTER 2:19

C'arihuan manaraj chayarinacushca solteracunata cutintaj tandachicujpica, Mardoqueoca mandana huasiman yaicuna pungupimi tiyacurca.

ESTER 2:21

Mandana huasi pungupi cuidaj Bigtán, Teres shuti eunucocunaca yallitaj p'iñarishpami, jatun mandaj Asuerota huañuchingapaj parlanacucurcacuna. Chaitaca Mardoqueomi mandana huasi pungullapitaj tiyacushpaca uyarca.

ESTER 2:5

Jatun mandaj causacun Susa pueblopica, judiocunapuramanta Mardoqueo runami causacurca. Paica Simeipaj huahua huahuapura caj Jairpaj churimi carca. Simeica, Benjaminpaj aillupura caj Cispaj huahua huahuapurami carca.

ESTER 3:1

Jatun mandaj Asueroca, chai ishqui soldadocunata huañuchishca asha punllacuna q'uipami, Agagpaj huahua huahuapura Hamedatapaj churi Amantaca tucui mandajcunata mandachun churarca.

ESTER 3:3

Chaimantami jatun mandajta servishpa, chai mandana huasi pungupi caj caishujcunaca Mardoqueotaca: “¿Ima nishpataj jatun mandaj mandashcataca mana cazungui?” nishpa tapurcacuna.

ESTER 3:5

Mardoqueoca, Amán paipaj ñaupajmantaj chayajpipish mana cungurircachu, mana cumurircallapishchu. Chaimantami Amanca yallitaj p'iñarirca.

ESTER 5:9

Amanca, punta punlla jatun micuimantaca, cushijlla shunguhuanmi llujshirca. Shina cashpapish, mandashpa tiyana huasi pungupi Mardoqueo tiyacujta ricushpaca, yallitajmi p'iñarirca. Amán chaita pasacujpica, Mardoqueoca mana jatarircachu, pai tiyacushcamantaca mana cuyurircallapishchu.

SALMOS 15:4

Mana alli ninataj cajpi mana alli nij, Mandaj Diosta manchajcunata alli nij, imata ari nishcataca paipaj mana alli cajpipish chaitataj pajtachij,

ÉXODO 17:14

Mandaj Diosca Moisestaca: –Caicunataca yuyarinapaj cachun shuj libropi quillcai. Cai amaleccunamantaca ima yuyarina ama tiyachun tucuimi cai pachamanta chingachigrini ninmi Mandaj Diosca nishpa Josueman huillai– nircami.

ÉXODO 17:16

cashna nirca: “Mandaj Dios mandacunta amaleccuna p'iñashpa llaquichishpa jatarishcamantami, Mandaj Diosca amaleccunahuan macanacunga. Huahua huahuacunahuan macanacucungallami” nircami.

DANIEL 2:49

Danielca paihuan purij Sadrac, Mesac, Abed-nego nishca quimsa runatapish Babilonia llajtata ñaupajman pushanata mandajcuna cachun churangapajmi jatun mandajta mañarca. Danielca, jatun mandaj tiyacun ucupimi caj carca.

DEUTERONOMIO 25:19

Mandaj Dios cancunapaj Taita Dios cancunapaj cachun cushca llajtapi ña causachun churashpa cancunata p'iñaj muyundij llajtacunamanta samachijpica, amalecitacunapaj shutita yuyarinataca tucui chai llajtamanta chingachinguichij. Chaita ruranataca, amataj cungaringuichijchu.

Filipenses 2:10

Jahua pachapi cajcuna, cai pachapi cajcuna, allpa ucupi cajcunapish tucuicuna Jesuspaj shutipi cungurichunmi chai shutitaca curca.

1 SAMUEL 15:3

Amalecitacunata huañuchishpa imalla charishcacunata tucui chingachigri. Paicunataca ama llaquishpa c'aricunatapish, huarmicunatapish, huahuacunatapish, chuchucuj huahuacunacama tucuita huañuchigri. Vacacunatapish, ovejacunatapish, camellocunatapish, burrocunatapish huañuchigri ninmi– nircami.