ESTER 3:15 - Dios Rimashca Shimicunami

¹⁵ Jatun mandajca quillcata apajcunataca, pai causacun Susa pueblopirajmi utca huillachirca. Chaita huillajpica, Susa pueblopi causajcunaca yallitaj llaquillami tucurcacuna. Ashtahuanpish jatun mandajhuan Amanhuanca ubyacurcacunami.

ESTER 3:15 Iomraidhean Croise

GÉNESIS 37:25

Chai q'uipaca micungapajmi tiyarircacuna. Paicuna huichilla ricushpaca, tauca ismaelitacuna shamucujtami ricurcacuna. Chaicunaca Galaadmantami mishquijllata ashnaj balsamota, mirrata camellocunaman apachishpa Egiptoman ricurcacuna.

1 REYES 14:27

Jatun mandaj Roboamca, chai escudocunapaj randica bronce escudocunata rurachishpami, mandashpa tiyana huasi pungupi cuidaj soldadocunaman cuidachun curca.

ESTER 1:10

Jatun micui tucuri canchis punllapimi jatun mandaj Asueroca, vinota ubyashpa yallitaj cushicushpa tiyacurca. Chashna tiyacushpami paita servishpa paipaj ñaupajpi caj Mehumán, Bizta, Harbona, Bigta, Abagta, Zetar shuti, Carcas shuti canchis eunuco runacunataca cayarca.

ESTER 4:16

“Judiocuna cai Susa pueblopi causajcunataca tandanacuchun mandagri. Chashna tandanacushpaca quimsa punllata, quimsa tutata ama imata micushpa, ama imata ubyashpa ñucamanta Diosta mañanguichij. Ñucapish ñucapajta ruraj huarmicunahuanmi ayunagrini. Chai q'uipami jatun mandajhuan rimanaman yaicusha. Mandashcata p'aquishpa chaiman yaicugrishcamanta huañuchishpapish, huañuchingallatajchari ninmi” nichunmi cacharca.

ESTER 8:15

Mardoqueoca, jatun mandaj churarina shina azulhuan, yurajhuan churanata churarishca, jahuatapish linollamanta rurashca morado churanatami churashca carca. Umapica, curimanta rurashca sumaj coronatami churashca carca. Chashnami Mardoqueoca, jatun mandajpaj ñaupajmanta llujshirca. Chaimantami Susa pueblopi causajcunaca, jatunta cushicushpa caparircacuna.

SALMOS 37:7

Mandaj Diospaj ñaupajpi upalla cailla. Mandaj Diospi shunguta churashpa shuyailla. Millaita rurajcuna charijyajta ricushpa ama huañuricuichu. Millaita rurajcuna imata ruranata yuyaricujta ricushpa paicuna shina tucunata munashpa ama huañuricuichu.

PROVERBIOS 1:16

Paicunaca mana allita ruranamanca, callpashpami rincuna. Huañuchinamanpish utcami llujshirincuna.

PROVERBIOS 29:2

Cashcata rurajcuna mandajpica, tucuicunami cushicuncuna. Ashtahuanpish Diosta mana manchaj runa mandajpica, llaquihuan aij nincunami.

PROVERBIOS 31:4

Lemuel, canca ama machanguichu. Chaica mana jatun mandajcunapajchu. Mandajcunapish vinota, sidrata mana ubyanllacunachu.

PROVERBIOS 4:16

Paicunaca ima millaita mana rurashpaca, mana dormincunachu. Pita mana urmachishpaca, dormitapish mana japincunachu.

OSEAS 7:5

Ñucanchij jatun mandajpaj fiesta punllapica, pai churashca mandajcunaca vinota ubyashpami ungurcacuna. Jatun mandajpish chashnallataj cashpami paita chanzata ruracujcunapajman maquita chutarca.

AMÓS 6:6

Cancunaca vinotapish jatun tasacunapimi ubyanguichij. Shinallataj cancunapaj aichapica, tucuimanta yalli mishquijllata ashnajcunallatami churaringuichij. Josepaj huahua huahuacuna llaquita apacujtaca, mana yuyaringuichijchu.

Juan 16:20

Cashnatajmi tucunga: Cancunaca huacanguichijmi, achcatami llaquiringuichij. Ashtahuanpish cai pachapaj cajcunaca cushicungacunami. Chashna llaquilla cajpipish, cancunapaj llaquica cushicuimanmi tigranga.

Apocalipsis 11:10

Paicunata huañuchishcata cai pachapi causajcuna ricushpaca achcatami cushicungacuna. Chai ishqui profetacunaca, cai pachapi causajcunapajca jatunta llaquichijcunami carca. Chaimanta cushicushpami caishuj chaishujman convidanacunata cachanacungacuna.