ESTER 3:13 - Dios Rimashca Shimicunami

¹³ Chai quillcacunataca, quillcata apajcunatami tucui llajtacunapi saquigrichun cacharca. Chai quillcacunapica, cashnami mandashca carca: “Judiocunataca c'aricunatapish, huarmicunatapish, huahuacuna cachun, yuyajcuna cachunpish, shuj punllallapi tucuicunata huañuchinguichij. Shinallataj paicuna imalla charishcataca cancuna japinguichijlla. Cai huata tucuri Adar quillapaj chunga quimsa punllapimi, chashna rurana canguichij” nishpami, mandashca carca.

ESTER 3:13 Iomraidhean Croise

2 CRÓNICAS 30:6

Cachashca huillajcunaca jatun mandaj pai churashca mandajcunandij quillcashca quillcacunata apashpami, tucui Israel llajtatapish, tucui Judá llajtatapish rircacuna. Chashna rishpaca, jatun mandaj yachachishpa cachashca shinallatajmi cashna huillarcacuna: “Israelcuna, Abrahamta, Isaacta, Israelta Mandaj Taita Diosman cutirichij. Asiria llajtata jatun mandajpaj maquimanta quishpirishpa saquirishca cai ashallacunapish pai Diosman cutirijpica, paipish cancunataca chasquingami.

ESTER 7:4

Ñucapish, tucui ñuca llajtapuracunapish huañuchishpa chingachichun c'atushcamari canchij. Shujtajcunata servijcunalla cachun c'atushca cajpica, can jatun mandajtaca mana imata nishpa, upalla saquirimanllami carcani. Tucui ñucanchijta huañuchijpica, can jatun mandajpajca yallitaj llaquimari canga– nircami.

ESTER 8:5

–Jatun mandajlla, canta ñuca chashna mañashpaca manapishchari p'iñachircani. Ñuca mañashca alli cajpi, ñucapish can jatun mandajpi alli ricurishca cajpi, cambaj yuyaipipish alli yuyachijpica, tucui ñucanchij judiocunata huañuchichunca amataj saquihuaichu. Ñucanchijta huañuchichun Agagpaj huahua huahuapura Hamedatapaj churi Amán mandashcataca anchuchipaiyari. Can jatun mandaj mandacun tucui llajtacunaman Amán cachashca quillcacunapi mandashcataca anchuchichun mandashpa, shujtaj quillcata rurapai.

ESTER 9:1

Huatapaj chunga ishqui quilla Adar shuti quillapaj chunga quimsa punllapimi, judiocunaca jatun mandaj mandashcata rurana carca. Israelcunata p'iñajcunapish paicuna munashca shina llaquichishpa charingapajca, chai punllallatatajmi shuyarcacuna. Ashtahuanpish tigramanmi llaqui tucurcacuna. Judiocunarajmi paicunata p'iñajcunataca, paicuna munashca shina llaquichircacuna.

ESTER 9:10

Chai chunga runacunaca, judiocunata p'iñaj Amanpaj churicunami carca. Amanca, Hamedatapaj churimi carca. Tucui chaicunata huañuchishpapish, paicuna imalla charishcacunataca mana japircacunachu.

ESTER 9:5

Judiocunaca, paicunata p'iñajcunataca paicuna munashca shinami llaquichircacuna. Shinallataj espadacunahuan huañuchircacunapishmi.

JOB 9:25

Ñuca causai punllacunaca, quillcata apajtapish yalli utcamari callpashca. Ima allitapish manaraj ricujpimari miticushca.

ISAÍAS 10:6

Mana ñucapajlla causacuj llajtata llaquichichunmi cachasha. Ñuca p'iñashcacunata llaquichichunmi cachasha. Paicuna quichushcacunata quichushpa apachunmi cachasha. Paicunatami ñanpi sirij lodota shina sarujcuna cachun churasha.

JEREMÍAS 51:31

Babilonia pueblota jatun mandajpajmanca quillcacunata apajcunapish, maquin maquinmi quillcacunata chayachingacuna. Huillajcunapish huashan huashan chayashpami: P'iñajcunaca ñami mishashpa tucui ladota puebloman yaicuncuna nishpa huillangacuna.

Romanos 3:15

Paicunapaj chaquicunaca, yahuarta jichanamanca utcami callpancuna.

Santiago 2:13

Imamantapish maijanta mana llaquishpa llaquichijtaca, paitapish mana llaquishpallataj llaquichishcami canga. Llaquij canaca, llaquichishca canatami mishan.

1 SAMUEL 15:3

Amalecitacunata huañuchishpa imalla charishcacunata tucui chingachigri. Paicunataca ama llaquishpa c'aricunatapish, huarmicunatapish, huahuacunatapish, chuchucuj huahuacunacama tucuita huañuchigri. Vacacunatapish, ovejacunatapish, camellocunatapish, burrocunatapish huañuchigri ninmi– nircami.

1 SAMUEL 22:19

Chai q'uipaca curacuna causana Nob puebloman rishpami Saulca, c'aricunata, huarmicunata, chuchucuj huahuacunacama espadahuan huañuchirca. Huagracunatapish, burrocunatapish, ovejacunatapish tucuicunatami espadahuan huañuchirca.