ESTER 3:1 - Dios Rimashca Shimicunami

¹ Jatun mandaj Asueroca, chai ishqui soldadocunata huañuchishca asha punllacuna q'uipami, Agagpaj huahua huahuapura Hamedatapaj churi Amantaca tucui mandajcunata mandachun churarca.

ESTER 3:1 Iomraidhean Croise

GÉNESIS 41:40

Ñuca huasitaca canmi mandangui. Tucui ñuca mandacun llajtami can mandashcata cazungacuna. Jatun tiyarinallapimi ñucalla tiyasha– nircami.

GÉNESIS 41:55

Tucui Egipto llajtapi causajcunaca yaricaihuan cashpami, faraontaca micunata mañarcacuna. Chaimi faraonca tucui egipciocunataca: “Josepajman richij. Pai imalla nishcata ruraichij” nirca.

ESDRAS 7:14

Jatun mandaj ñucapish, ñucaman yuyaita cuj canchis runacunapishmi Judeapi, Jerusalenpi causacujcunaca cambaj maquipi caj Mandaj Diospaj mandashcapi nishca shinataj cazucushcata mana cazucushcata ricuchunmi cachanchij.

ESTER 1:14

Chaipica paihuan alli apanacuj Carsena, Setar, Admata, Tarsis, Meres, Marsena, Memucán shuti canchis mandajcunami paihuan tiyacurcacuna. Paicunaca jatun mandajman alli yuyaita cujcunami carca. Paicunaca tucuicunata yalli alli nishca canapi churashcami carca. Chai mandajcunaca Persia, Media shuti llajtacunamantami carca.

ESTER 3:10

Chashna nijpica jatun mandajca, pai mandashcata ricuchij sellota churana sortijasta llujshichishpami, judiocunata p'iñaj Amanman curca. Paica Agagpaj huahua huahuapura Hamedatapaj churimi carca.

ESTER 5:11

Paicunahuanmi Amanca, pai yallitaj charij cashcatapish, achca churicunata charishcatapish parlacurca. Shinallataj jatun mandajca, pai churashca tucui mandajcunamanta ashtahuan alli nishca canapica paillata churashcatapishmi parlacurca.

ESTER 7:6

Chashna tapujpimi Esterca: –Cai millai shungu Amanmari ñucanchijtaca p'iñashpa, juchachishpa huañuchisha nicun– nircami. Chashna nijpica Amanca, jatun mandaj huarmindijpaj ñaupajpica, yallitaj mancharishpa upayashpami saquirirca.

ESTER 8:3

Chai q'uipaca jatun mandaj Esterca, jatun mandajpajman cutin shamushpami, huacashpa paipaj ñaupajpi cungurishpa pambacama cumurirca. Chashna cumurishpami jatun mandajtaca, judiocunata huañuchichunca ama saquihuaichu nishpa mañarca. Paicunata huañuchichun Agagpaj huahua huahuacunapura caj Amán mandashcata anchuchichunmi mañarca.

SALMOS 12:8

Huañujlla runacuna mana alli ruranacunata alabacujpica, millaicunaca chaipimi muyucuncuna.

PROVERBIOS 29:2

Cashcata rurajcuna mandajpica, tucuicunami cushicuncuna. Ashtahuanpish Diosta mana manchaj runa mandajpica, llaquihuan aij nincunami.

ECLESIASTÉS 10:6

Rumi shungu runacunatami mandanapi jahuaman tiyachin. Ashtahuanpish charijcunarajmi yanga ruranacunapi tiyacuncuna.

DANIEL 6:2

Satrapacunata mandachunca quimsa mandajcunatami churarca. Chai quimsa mandajcunapuramanta shujca Danielmi carca. Satrapacunaca paicuna imalla rurashcataca chai quimsa mandajcunamanmi ricuchina carca. Jatun mandajca imapipish paita ama llaquichichunmi chashna churarca.

NÚMEROS 24:7

Israelcunapaj yacuca jicharicunmi. Paicunapaj huahua huahuacunami yallitaj achca yacuta charingacuna. Israelcunata jatun mandajca, Agagta yallimari. Pai mandanaca jatunyachishcamari.

1 SAMUEL 15:33

Samuelca Agagtaca: –Ima shinami canpish cambaj espadahuan mamacunataca huahuacuna illajta saquircangui. Chai shinallatajmi cambaj mamapish huarmicunapurapica huahua illajlla saquiringa– nishcahuanmi, Samuelca Gilgalpi Mandaj Diospaj ñaupajpi Agagtaca, mirga mirgapi p'itirca.

1 SAMUEL 15:8

Amalec llajtata jatun mandaj Agagtaca causajtami prezu aparca. Shujtajcunataca tucuicunatami espadahuan huañuchircacuna.