ESTER 2:7 - Dios Rimashca Shimicunami

⁷ Mardoqueomi, paipaj tío huañujpica, chai tiopaj ushushi Hadasa nishca Estertaca, paipaj quiquin huahuata shina huiñachirca. Esterpaj mamapish ñami huañurca. Esterca, sumaj ñahuiyuj, jatun, alli solterami carca.

ESTER 2:7 Iomraidhean Croise

GÉNESIS 48:5

Cunanca cai Egiptopi ñuca canhuan manaraj tandanacunaman shamujpi, caipi huacharishca Efraín, Manasés cambaj ishqui churicunaca ñuca churi Rubén, Simeón shinallataj ñuca quiquin churicunami.

ESTER 1:11

Chashna cayashpaca, Vasti shuti jatun mandaj huarmitaca, coronata churachishpa paipajman pushachunmi cacharca. Chai huarmitaca tucui chaipi cajcunapish, tucui mandajcunapish, yallitaj sumaj cashcata ricuchunmi pushanaman cacharca.

ESTER 2:15

Esterca, Mardoqueopaj tío Abihailpaj ushushimi carca. Paitaca Mardoqueomi paipaj quiquin ushushita shina huiñachirca. Esterca jatun mandajpajman rina punlla chayajpica, ima sumaj churarinacunata mana mañarcachu. Jatun mandajpaj huarmicunata cuidaj Hegai shuti eunuco runa mandashcallatami churarirca. Estertaca, tucui paita cuidajcunami c'uyarcacuna.

ESTER 2:20

Esterca, paita huiñachij Mardoqueo yachachishca shinallatajmi mai llajtamanta cashcatapish, maijanpaj huasi ucupura cashcatapish piman mana huillarca. Paica, Mardoqueohuan causacushca shinallatajmi, pai imalla yachachishcataca cazurca.

ESTER 8:1

Jatun mandaj Asueroca chai punllallatajmi, judiocunata p'iñaj Amán imallata charishcataca, jatun mandaj Ester huarmiman curca. Esterca Mardoqueopaj prima cashcataca, ñami jatun mandajman huillarca. Chaimantami Mardoqueoca, jatun mandajpajmanca yaicui tucurcalla.

JOB 31:17

yaya mama illaj huahuaman mana carashpa, micunata ñucalla micushca cajpica llaquichichunlla.

JOB 31:18

Ñuca chairaj cashcamantapachami, yayapi shina catirishpa causarca. Ñucaca ñuca mamapaj huijsapi tiyarishcapachamantami, viuda huarmicunata cuidaj cangapaj tiyacurcani.

2 Corintios 6:18

Ñucaca, cancunapaj Yayami casha. Cancunaca ñuca churicuna, ushushicunami canguichij” ninmi Tucuita Rurai Tucuj Jatun Diosca.

Efesios 6:4

Shinallataj yaya mamacuna, cancunapaj huahuacunata ama p'iñachichijchu. Chaipaj randica, ima shinapish llaquichishpa, cunashpa Mandaj Jesús munashca shina huiñachichij.

1 Juan 3:1

Dios ñucanchijta ima shina c'uyashcataca ricuichigari. Diospaj huahuacunami nishca cachunmi chashna c'uyashca. Chaimantami cai pachapi cajcunaca, Diosta mana rijsishcamanta ñucanchijtapish pipaj huahuacuna cashcata mana rijsincuna.