ESTER 2:5 - Dios Rimashca Shimicunami

⁵ Jatun mandaj causacun Susa pueblopica, judiocunapuramanta Mardoqueo runami causacurca. Paica Simeipaj huahua huahuapura caj Jairpaj churimi carca. Simeica, Benjaminpaj aillupura caj Cispaj huahua huahuapurami carca.

ESTER 2:5 Iomraidhean Croise

2 SAMUEL 16:5

Jatun mandaj Davidca, Bahurim llajtamanmi shamurca. Chaipica Saulpaj familiapuramanta shuj runami tupanaman llujshirca. Paica Gera runapaj churi Simei runami carca. Pai tupanaman llujshishpaca llaqui tucushca canman nishpami,

2 REYES 24:12

Chaimi Judá llajtata jatun mandaj Joaquinca, paipaj mamandij, paipajta rurajcunandij, pai churashca mandajcunandij, caishuj mandajcunandij Babilonia llajtata jatun mandajpajman rishpa cambajta rurashunllami nishpa paiman curirca. Chaipimi Babilonia llajtata jatun mandajca paicunata prezu japirca. Babilonia llajtata jatun mandaj pusaj huatata ña mandacujpimi chashna tucurca.

2 REYES 24:15

Nabucodonosorca jatun mandaj Joaquintaca, paipaj mamandij, paipaj huarmicunandij, pai churashca mandajcunandij, Judá llajtapi causaj achcata charijcunandijmi Jerusalenmanta Babiloniaman prezu aparca.

ESTER 1:2

Paica, Susa shuti jatun pueblomantami chai tucui llajtacunataca mandashpa causarca.

ESTER 10:3

Judá llajtamanta caj Mardoqueoca, jatun mandaj Asueropaj q'uipa tucuita mandajmi carca. Chashna cashpami, paica tucui judiocunamanta rimashpa, paicunapajca achca allita ruraj carca. Chaimantami paicunaca tucuicuna alli nishpa yallitaj c'uyarcacuna.

ESTER 2:3

Can jatun mandaj mandacun tucui llajtacunamantaca, tucui sumaj huarmicunata cai Susa pueblopi cambaj huarmicuna tiyacun huasiman cambaj apamuchunca, llajtacunata mandajcunamanmari mingana. Chai huarmicunata apamushpaca, sumajyachij jambicunahuan jambishpa allichichunca, cambaj huarmicunata cuidaj Hegai shuti eunuco runamanmari mingana.

ESTER 2:4

Chai q'uipaca, can jatun mandaj ashtahuan munashca, ashtahuan sumaj solterata agllashpaca, Vasti shuti huarmipaj randi jatun mandaj cachun churanguillami– nircacunami. Chashna yuyaita cushcaca alli yuyachijpimi, jatun mandajca chashnataj rurarca.

ESTER 5:1

Ña quimsa punlla tucujpimi, Esterca jatun mandaj huarmi churarina churanata churarishpaca, mandana huasi ñaupaj ucuman yaicurca. Chaiman yaicushpami jatun mandaj tiyacun mandana ucu ñaupajpi shayarirca. Jatun mandajca, chai ucupimi pungu ch'imbapurapi pai tiyanapi tiyacurca.

1 SAMUEL 9:1

Benjaminpaj aillupurapimi tucuicuna alli nishca c'ari c'ari shuj runa tiyarca. Paica Cis shutimi carca. Cisca Abielpaj churimi carca. Abielca, Zerorpaj churimi carca. Zerorca, Becoratpaj churimi carca. Becoratca Benjamín aillumanta Afiapaj churimi carca.