ESTER 2:4 - Dios Rimashca Shimicunami

⁴ Chai q'uipaca, can jatun mandaj ashtahuan munashca, ashtahuan sumaj solterata agllashpaca, Vasti shuti huarmipaj randi jatun mandaj cachun churanguillami– nircacunami. Chashna yuyaita cushcaca alli yuyachijpimi, jatun mandajca chashnataj rurarca.

ESTER 2:4 Iomraidhean Croise

2 SAMUEL 17:4

Chashna yuyaita cushcaca Absalonpajpish, tucui israelcunata cunaj yuyajcunapaj yuyaipipish allimi yuyachirca.

ESTER 1:21

Memucán chashna yuyaita cushcaca, jatun mandajpaj yuyaipipish, paiman yuyaita cuj caishuj mandajcunapaj yuyaipipish allimi ricurirca. Chaimantami jatun mandaj Asueroca chashnataj rurarca.

ESTER 2:19

C'arihuan manaraj chayarinacushca solteracunata cutintaj tandachicujpica, Mardoqueoca mandana huasiman yaicuna pungupimi tiyacurca.

ESTER 2:3

Can jatun mandaj mandacun tucui llajtacunamantaca, tucui sumaj huarmicunata cai Susa pueblopi cambaj huarmicuna tiyacun huasiman cambaj apamuchunca, llajtacunata mandajcunamanmari mingana. Chai huarmicunata apamushpaca, sumajyachij jambicunahuan jambishpa allichichunca, cambaj huarmicunata cuidaj Hegai shuti eunuco runamanmari mingana.

ESTER 2:5

Jatun mandaj causacun Susa pueblopica, judiocunapuramanta Mardoqueo runami causacurca. Paica Simeipaj huahua huahuapura caj Jairpaj churimi carca. Simeica, Benjaminpaj aillupura caj Cispaj huahua huahuapurami carca.

Mateo 14:6

Herodesca, pai huacharishca huatacuna pajtashca fiestatami ruracurca. Chaipimi Herodiaspaj ushushica, tucuicunapaj ñaupajpi tushushpa Herodesta cushichijpi,

Mateo 20:16

Shinallatajmi puntapi cajcunaca huashayachishca cangacuna, huashaman cajcunaca puntapimi cangacuna. Achcacunaca cayashcacunalla cashcamanta, ashtahuanpish agllashcacunaca ashacunalla cashcamantami– chashna tucunga nishpami parlarca.

Mateo 22:14

Cayashcacunaca achcacunami ashtahuanpish agllashcacunaca ashallami” nircami.