ESTER 2:3 - Dios Rimashca Shimicunami

³ Can jatun mandaj mandacun tucui llajtacunamantaca, tucui sumaj huarmicunata cai Susa pueblopi cambaj huarmicuna tiyacun huasiman cambaj apamuchunca, llajtacunata mandajcunamanmari mingana. Chai huarmicunata apamushpaca, sumajyachij jambicunahuan jambishpa allichichunca, cambaj huarmicunata cuidaj Hegai shuti eunuco runamanmari mingana.

ESTER 2:3 Iomraidhean Croise

ESTER 2:19

C'arihuan manaraj chayarinacushca solteracunata cutintaj tandachicujpica, Mardoqueoca mandana huasiman yaicuna pungupimi tiyacurca.

ESTER 2:4

Chai q'uipaca, can jatun mandaj ashtahuan munashca, ashtahuan sumaj solterata agllashpaca, Vasti shuti huarmipaj randi jatun mandaj cachun churanguillami– nircacunami. Chashna yuyaita cushcaca alli yuyachijpimi, jatun mandajca chashnataj rurarca.

ESTER 2:5

Jatun mandaj causacun Susa pueblopica, judiocunapuramanta Mardoqueo runami causacurca. Paica Simeipaj huahua huahuapura caj Jairpaj churimi carca. Simeica, Benjaminpaj aillupura caj Cispaj huahua huahuapurami carca.