ESTER 2:23 - Dios Rimashca Shimicunami

²³ Chaita huillajpimi jatun mandajca, paita huañuchishun nicushcata alli tapuchirca. Chashna tapuchishpami, chashnataj cashcata yachaj chayashpaca, chai ishqui eunucocunataca sipichirca. Chashna imalla tucushcataca, tucui llajtapi ima tucushcata quillcachishca tiyaj libropimi, jatun mandajpaj ñaupajpi quillcarca.

ESTER 2:23 Iomraidhean Croise

GÉNESIS 40:19

Cunanmanta quimsa punllapimi faraonca cantaca cungata p'itishpa huañuchishpa huarcujpi cambaj aichataca pajarocuna micungacuna– nircami.

GÉNESIS 40:22

Tandata rurajcunata mandajtaca, José huillashca shinallataj huañuchishpami huarcurca.

ESDRAS 4:15

cambaj ñaupa mandaj yayacuna quillcachishpa saquishca quillcacunata mashcachishpa ricuchun huillanchij. Chai quillcacunapi ricushpaca, chai pueblopi causajcunaca yallitaj millaicuna cashcata, jatun mandajcunatapish, llajtacunatapish llaquichijcuna cashcatami yachangui. Chai pueblopi causajcunaca ñaupa punllacunamanta pacha mana cazushpa jatarijcuna cashcamanta chingachishcatapishmi yachangui.

ESTER 10:2

Paica jatun mandaj cashpa tucui imallata rurachishcatapish, paipaj q'uipa mandaj cachun Mardoqueota imamanta churashcatapishmi quillcachirca. Chai quillcaca Persia, Media shuti llajtacunata jatun mandajcuna imallata rurashca quillcashca libropimi tiyacun.

ESTER 5:14

Chashna nijpimi Zeres shuti paipaj huarmipish, tucui paihuan apanacujcunapish cashna nircacuna: –Ishqui chunga ishqui metro alto caspita shayachishpa, Mardoqueotaca chaipi sipichiyari. Jatun mandajman caya tutamanta huillashpa paitaca chaipi sipichinguilla. Chai q'uipami, chai jatun micuimanca jatun mandajhuan cushicushpa ringui– nircacunami. Chashna yuyaita cushcaca, Amanpaj yuyaipica alli cajpimi, sipichina jatun caspita shayachichirca.

ESTER 6:1

Chai tutallatajmi jatun mandajca, dormita mana japirca. Chaimantami paipaj quillcajcunataca: “Ñuca mandacun llajtacunapi imalla tucushcata quillcashca librota apamushpa ñuca ñaupajpi rezaichij” nirca.

ESTER 7:10

Chashna mandajpimi Amantaca, Mardoqueota sipichingapaj pai shayachishca caspillapitaj sipircacuna. Chashna rurachishpami jatun mandajca, yallitaj p'iñarishcamanta alli tucurca.

MALAQUÍAS 3:16

Chaimantami Mandaj Diosta manchajcunapura tandanacushpa, caishuj chaishuj parlanacurca. Paicuna parlanacushcataca, Mandaj Diosca tucuitami uyarca. Paicuna imalla parlanacushcata yuyaringapajmi, Mandaj Diosca paipaj libropi quillcachirca. Chaimantami Mandaj Diosca maijanlla paita manchashpa causajcunapaj, maijanlla paita yuyarishpa causajcunapaj shuticunataca quillcarca.

JOSUÉ 8:29

Hai pueblota jatun mandajtaca, Josueca yurapi huarcushpa sipichunmi mandarca. Tutayangacamami huarcushca carca. Ña tutayajpica huañushca aichata uricuchishpami, Hai puebloman yaicuna pungullapi churashpa, chai jahuapica rumicunata montonachirca. Cunancamami chai rumicunaca chaipi tiyacun.