ESTER 2:18 - Dios Rimashca Shimicunami

¹⁸ Chai q'uipaca, jatun mandajca, Estertaca tucui huarmicunamanta yalli sumaj huarmi cashcata ricuchingapajmi, pai churashca mandajcunahuanpish, paita servijcunahuanpish jatun micuita rurarca. Shinallataj tucui llajtapi causajcunamanta impuestota japinatapishmi uriyachirca. Jatun mandaj cashcamantami, ima allicunatapish mana llaquishpa achcata shujtajcunamanpish curca.

ESTER 2:18 Iomraidhean Croise

GÉNESIS 29:22

Chaimi Labanca, paipaj c'uchullapi causajcunata cayashpa shuj sumaj micuita rurarca.

NEHEMÍAS 8:11

Levitacunapish tucui israelcunataca: “Cunan punllaca Mandaj Diospajlla ch'icanchishca punllamari. Upalla caichij ama llaquilla caichijchu” nishpami, upallachircacuna.

ESTER 1:7

Ubyanacunataca, curimanta rurashca tucui laya sumaj vasocunapimi ubyarcacuna. Vinopish, jatun mandajpaj huasipi tiyana shinallataj achcami tiyarca.

ESTER 9:22

Chai quillcacunallapitajmi, judiocuna paicunata p'iñajcunamanta quishpirishcata yuyachirca. Shinallataj chai quillapi jatunta caparirishpa huacana cashca cashpapish, yallitaj cushicushcatapishmi yuyachirca. Huatanta chaita yuyarishpa chai punllacunapi jatun micuita rurashpa, caishuj chaishujhuan imallatapish cunacushpa, huajchacunamanpish carashpa cushicuchunmi mandarca.

CANTARES 3:11

Siónpi causaj solteracunalla, jatun mandaj Salomonta ricunaman llujshichigari. Paipaj shungu cushicuna punllapi, pai casarai punllapi, paipaj mama churachishca coronata churashcamari shamucun.

CANTARES 5:1

Ñuca panilla, ñuca c'uyashca huarmiculla, ñuca huertamanmi shamurcani. Ñuca mirratapish, mishquiman ashnaj jambicunatapish ñamari japini. Sacha chuspi huachashca mishquitapish ñamari micuni. Vinotapish, lechetapish ñamari ubyani. Ñucahuan alli apanacujcunapish, ñuca c'uyashca huauquicunapish cushicushpa huijsa pajtata micupaichijlla, ubyapaichijlla.

Mateo 22:2

“Jahua pachamanta mandacunca, shuj jatun mandaj paipaj churita cazarachicushpa bodata ruraj shinami.

Marcos 6:21

Herodesca, pai huacharishca huatacuna pajtashca jatun micuita, jatun mandajcunahuan, huaranga soldadocunata mandajcunahuan, Galilea llajtapi alli nishca mandajcunahuan fiestata ruracui punllami, Herodías huarmi yuyacushcaca alli ricurirca.

Lucas 14:8

“Maijan bodayuj cayajpi rishpaca, ama ashtahuan alli tiyarinapi tiyaringui. Ñataj canta yalli alli nishcata, bodayuj cayashca tiyanman.

Apocalipsis 11:10

Paicunata huañuchishcata cai pachapi causajcuna ricushpaca achcatami cushicungacuna. Chai ishqui profetacunaca, cai pachapi causajcunapajca jatunta llaquichijcunami carca. Chaimanta cushicushpami caishuj chaishujman convidanacunata cachanacungacuna.

Apocalipsis 19:9

Chai q'uipami angelca ñucataca: “Ovejapaj jatun micui bodaman cayashcacunaca, alli nishcacunami” chaita quillcai nirca. Cashnapishmi nirca: “Caicunaca, Dios rimashca mana llulla shimicunami” nircami.

1 SAMUEL 25:8

Chaitaca cambajta rurajcunata tapuilla. Paicunallataj ima shina cashcata canman huillangallami. Ñuca cachashca mosocunata alli chasquipai ninguichij nircami. Chashna nishpaca ñucanchijca jatun micuita can ruracui punllatajmi shamushcanchij. Chaimanta cambaj churi Davidpajpish, paipajta rurajcunapajpish can imalla cusha nishcata cuchunmi rogani ninguichij” nichunpishmi cacharca.