ESTER 2:14 - Dios Rimashca Shimicunami

¹⁴ Jatun mandajpaj huasiman rij huarmica, chishiman yaicushpaca, cayandij tutamantatami jatun mandajpaj caishuj huarmicuna tiyacun huasiman tigraj carca. Chaipi caj huarmicunataca, jatun mandajpajta ruraj Saasgaz shuti eunuco runami cuidaj carca. Chai huarmicunaca jatun mandajpajmanca, ña mana ashtahuan tigrajcunachu carca. Ashtahuanpish jatun mandajllataj maijanta munashpa cayajllapimi, rij carca.

ESTER 2:14 Iomraidhean Croise

GÉNESIS 34:19

Siquem mosoca Jacobpaj ushushita yallitaj munashcamantami mana uniyashpalla, circuncisionta rurachirca. Paipaj yayapaj huasi ucupurapica, Siquem mosollami tucuicunata yalli alli nishca carca.

ESTER 2:13

Chai q'uipami, chai huarmicunaca, ashtahuan sumaj churarinacunata mañashpa churarishpaca, paicuna tiyacushca huasimantaca jatun mandajpajman rijcuna carca.

ESTER 2:15

Esterca, Mardoqueopaj tío Abihailpaj ushushimi carca. Paitaca Mardoqueomi paipaj quiquin ushushita shina huiñachirca. Esterca jatun mandajpajman rina punlla chayajpica, ima sumaj churarinacunata mana mañarcachu. Jatun mandajpaj huarmicunata cuidaj Hegai shuti eunuco runa mandashcallatami churarirca. Estertaca, tucui paita cuidajcunami c'uyarcacuna.

ESTER 4:11

“Jatun mandaj tiyacun ucumanca pi mana yaicui tucunllachu. Pai manapish cayajpi chaiman yaicujpica, c'ari cajpi huarmi cajpipish mandashcapi nishca shinaca huañuchingatajmi. Pai llaquishpa mana huañuchisha nishpallami, paipaj maquipi charicun curi varatapish ñaupajman chutashpa ricuchinga. Chashna mandashca tiyashcataca, jatun mandajta tucui servijcunapish, pai mandacun tucui llajtacunapi causajcunapish allimi yachancuna. Ñucatacarin paita ricuchunca, ña shuj quillatamari mana cayan” nishpami huillanaman cacharca.

ISAÍAS 43:1

Jacob, canta callarichij Diosca Israel, canta ruraj Mandaj Diosca cunanca cashnami nin: “Ama manchaichu, ñucami cantaca quishpichircani. Ñucami cantaca shutipi cayarcani, canca ñucapajmi cangui.

ISAÍAS 45:4

Ñucapajta ruraj Jacobta c'uyashcamanta, ñuca agllashca israelcunata c'uyashcamantami cantaca shutipi cayarcani. Ñucata mana rijsijpipish cantaca alli nishca cana shutitami churarcani.

DEUTERONOMIO 21:14

Chai huarmi can munashca shina mana tucujpica richun saquinguilla. Canllataj paita pingachishcamantaca ama cullquipi c'atunguichu, cambajta rurajtapish ama ruranguichu.