ESTER 2:10 - Dios Rimashca Shimicunami

¹⁰ Esterca, ama huillachun Mardoqueo yachachishcamantami, Judá llajtamanta cajcunapura cashcatapish, pipaj huasi ucupura cashcatapish piman mana huillarca.

ESTER 2:10 Iomraidhean Croise

ESTER 2:11

Ester allilla cashcata, mana allilla cashcata, shinallataj ima shina charicujta yachangapajmi, Mardoqueoca huarmicuna tiyacun huasi canllapi punllanta puricuj carca.

ESTER 2:20

Esterca, paita huiñachij Mardoqueo yachachishca shinallatajmi mai llajtamanta cashcatapish, maijanpaj huasi ucupura cashcatapish piman mana huillarca. Paica, Mardoqueohuan causacushca shinallatajmi, pai imalla yachachishcataca cazurca.

ESTER 2:7

Mardoqueomi, paipaj tío huañujpica, chai tiopaj ushushi Hadasa nishca Estertaca, paipaj quiquin huahuata shina huiñachirca. Esterpaj mamapish ñami huañurca. Esterca, sumaj ñahuiyuj, jatun, alli solterami carca.

ESTER 3:8

Suerteta rurashca q'uipami, Amanca jatun mandaj Asuerotaca cashna nirca: –Can jatun mandaj mandacun tucui llajtacunapi causajcunapurapimi shujcunaca paicunapuralla ch'ican ruranacunata rurashpa causacuncuna. Mandashcacunatapish tucui shujtajcunamanta ch'ican mandashcacunatami charincuna. Can jatun mandaj mandashcacunataca mana cazuncunachu. Paicunamantaca ima allitapish mana japicunguichu. Chashnacunataca can jatun mandajca, mana ashtahuan charinachu cangui.

ESTER 7:4

Ñucapish, tucui ñuca llajtapuracunapish huañuchishpa chingachichun c'atushcamari canchij. Shujtajcunata servijcunalla cachun c'atushca cajpica, can jatun mandajtaca mana imata nishpa, upalla saquirimanllami carcani. Tucui ñucanchijta huañuchijpica, can jatun mandajpajca yallitaj llaquimari canga– nircami.

Mateo 10:16

Cancunataca ovejacunata atujcunapaj chaupiman cachaj shinami cachani. Culebra shina yachaj, paloma shina manso caichij.

Efesios 6:1

Huahuacuna, Mandaj Jesuspi shujlla cashcamantaca cancunapaj yaya mamata cazuichij, chashna cashpami cashcata rurajtaj cana.

RUT 3:6

Booz runapaj era patioman rishpa paipaj suegra ima shinalla mandashcata chashnataj rurarca.