ESTER 1:7 - Dios Rimashca Shimicunami

⁷ Ubyanacunataca, curimanta rurashca tucui laya sumaj vasocunapimi ubyarcacuna. Vinopish, jatun mandajpaj huasipi tiyana shinallataj achcami tiyarca.

ESTER 1:7 Iomraidhean Croise

1 REYES 10:21

Jatun mandaj Salomón ubyana vasocunapish, Líbano nishca huasipi tiyaj tucui platocunapish curimanta rurashcami carca. Cullquimanta rurashcacunaca ima mana tiyarcachu. Salomón mandacui punllacunapica cullquica yanga shinallami carca.

2 CRÓNICAS 9:20

Jatun mandaj Salomonpaj huasipi tiyaj tucui platocunapish, líbano nishca huasipi tiyaj tucui platocunapish curimanta rurashcami carca. Salomón mandacui punllacunapica cullquica yanga shinallami carca.

ESTER 1:8

Shina cajpipish jatun mandajca, mandana huasipi paipajta rurajcunata mandajcunataca: “Pipish munashcallata ubyachun saquichijlla. Mana nijpica, ama ubyachuntaj nishpa mandanguichijchu” nishpami mandarca.

ESTER 2:18

Chai q'uipaca, jatun mandajca, Estertaca tucui huarmicunamanta yalli sumaj huarmi cashcata ricuchingapajmi, pai churashca mandajcunahuanpish, paita servijcunahuanpish jatun micuita rurarca. Shinallataj tucui llajtapi causajcunamanta impuestota japinatapishmi uriyachirca. Jatun mandaj cashcamantami, ima allicunatapish mana llaquishpa achcata shujtajcunamanpish curca.

Mateo 4:24

Chaitaca tucui Siria llajtapi huashan huashan yachaj chayashpami, tucui nanaicunahuan cajcunata, ch'ican ch'ican ungüihuan llaquita apacujcunata, supai japishcacunata, uraticucunata, mana cuyuri tucujcunatapish pushamujpi tucuicunata alliyachirca.