ESTER 1:4 - Dios Rimashca Shimicunami

⁴ Paica, achca llajtacunata mandaj cashcamanta, tucui imatapish sumaj charinacunata charij cashcata ricuchingapajmi, chaupi huatacama jatun micuita rurarca.

ESTER 1:4 Iomraidhean Croise

1 CRÓNICAS 29:25

Mandaj Diosca Salomontaca, pai mandacunpica tucui imata ruranapipish allita rurachishpami tucui israelcunapaj ñaupajpi yallitaj jatunyachirca. Israelcunata paipaj ñaupa mandaj cashca jatun mandajcunaca chashnataca pi mana charircacunachu.

ESTER 1:3

Jatun mandaj Asueroca, quimsa huatata mandacushpami, paita servijcunahuanpish, pai churashca mandajcunahuanpish jatun micuita rurarca. Chai jatun micuimanca Persia shuti, Media shuti llajtacunapi causaj soldadocunata mandajcunatapish, tucui llajtacunapi pai churashca mandajcunatapishmi cayarca.

ESTER 1:5

Chai chaupi huata q'uipaca, shujtaj jatun micuita rurashpami, mandana huasi canllapi caj sumaj jardinpica, canchis punllacama tandanacurca. Chai jatun micuimanca, Susa pueblopi causaj mandajcunatami, ashtahuan alli nishca cajcunatapish, yangalla cajcunatapish cayarca.

JOB 40:10

Cunanca jatun cashcahuan, alli cashcahuan sumajta allichiriyari. Sumaj cashcatapish, alli nishca canatapish churariyari.

SALMOS 145:5

Quiquinca achij nicuj sumaj cashcata, quiquinca tucuimanta yalli alli nishca canata, mancharinacunata quiquin rurashcacunataca yuyaricushallami.

SALMOS 21:5

Quiquin Dios quishpichishcamantami paica alli nishca tucushca. Paipica alli nishca canata, jatun mandaj canatami churashcangui.

SALMOS 45:3

C'ari c'ari runa, cambaj espadata changa uripi apariyari. Quiquinpaj sumaj cashcahuan, mandaj cashcahuan chumbilliriyari.

SALMOS 93:1

¡Mandaj Diosmi mandacun! Paica mandaj cashcahuan churarishcami. Mandaj Diosca churarishcamari. Tucuita rurai tucuj cashcahuan chumbillirishcamari. Paimi tucui cai pachataca sinchita churarca. Manataj pi cuyuchishcami canga.

ISAÍAS 39:2

Ezequiasca paicunahuan cushicushpami paipaj huasipi imalla huaquichishcacunataca, cullquita, curita, mishquijllata ashnacujcunata, ashtahuan alli aceiteta, macanacunacunata huaquichinacunata, paipaj huaquichinacunapi imalla tiyajcunatapish tucuita paicunaman ricuchirca. Ezequiasca paipaj huasipipish, pai mandacunpipish imata mana saquishpa tucuitami ricuchirca.

EZEQUIEL 28:5

C'atunata randinatapish alli yachaj cashpami, imalla charinacunataca achcata mirachircangui. Canca yallitaj charij cashpami cambaj shungupi jatun tucurcangui” nircami.

DANIEL 4:30

jatun mandajca cashna nishpa rimarirca: “Babilonia yallitaj jatun pueblotaca ñucamari shayachircani. Mandashpa tiyana huasita chaipi shayachingapajmari ñuca tucuita rurai tucuj fuerzahuan rurarcani. Ñuca mandanaca tucuicuna ricuna jatun cachunmari rurarcani” niricurcami.

DANIEL 4:36

Chai punllallatajmi ñuca yuyaitaca gente yuyaiman tigrachirca. Ñuca mandanatapish, alli nishca canatapish, jatun nishca canatapish ñucallamantajmi cutin curca. Llajtacunata mandajcunapish, ñucaman yuyaita cujcunapish ñucatami mashcarcacuna. Ñucaca cutinllataj mandai callarishpami, tucui imapipish ñaupata yalli alli mandarcani.

DANIEL 5:18

Jatun mandajlla, jahua pacha Taita Diosmari cambaj yaya Nabucodonosormanca mandanatapish, jatun canatapish, alli nishca canatapish, tucuita mandaj canatapish curca.

Mateo 4:8

Cutinllatajmi Diabloca, tucuimanta yalli jatun urcu jahuaman Jesusta pushashpa, tucui cai pachapi mandanacunata, sumajcunata ricuchishpaca,

Mateo 6:13

Ima mana allipi urmachun ama saquihuangui. Tucui millaimanta huaquichihuangui. Mandanapish, tucuita rurai tucuj canapish, jatun nishca canapish cambajmi. Chaica huiñai huiñaita chashna nishca cachun. Chashna cachun”.

Romanos 9:23

Diosca, pai sumaj canahuan charij cashcataca pai llaquingapaj rurashca vasocunamanmi ricuchisha nirca. Paicunapish paipaj sumaj canapi cachunmi, ñaupaman chashna allichirca.

Efesios 1:18

Pai Diosca, cancunapaj yuyaipaj ñahuita achijyachishca cachunmi mañacuni. Chashna achijyachijpimi, cancunaca imata shuyanapaj cayashca cashcata, jucha illajcunahuan achcata charina sumaj herenciapish ima cashcata yachanguichij.

Colosenses 1:27

Diosca pi mana yachaipaj sumaj charinacunataca jucha illajcunaman cushpami, tucui mana judiocunamanpish ricuchisha nirca. Chaica Cristo cancunapi cashcami, paimantami sumaj cashca ricurina yuyailla canguichij.

Apocalipsis 4:11

“Jatun Dios, canca jatunmari cangui, allimari cangui, Tucuita rurai tucujmari cangui nishcataca chasquipaj allimari cangui. Canmari tucui ima tiyajtapish rurashcangui. Can munashpa rurashcamantami tucui imapish tiyan” nicurcacunami.