ESTER 1:21 - Dios Rimashca Shimicunami

²¹ Memucán chashna yuyaita cushcaca, jatun mandajpaj yuyaipipish, paiman yuyaita cuj caishuj mandajcunapaj yuyaipipish allimi ricurirca. Chaimantami jatun mandaj Asueroca chashnataj rurarca.

ESTER 1:21 Iomraidhean Croise

GÉNESIS 41:37

José chashna nishcaca faraonpipish, paita ayudajcunapipish alli ricurijpimi,

ESTER 1:19

Chashna cashcamantaca, can jatun mandajpaj yuyaipi alli cajpica, pipish mana shujtajyachipajta cashna mandashpa quillcayari: Vasti shuti jatun mandaj huarmica, jatun mandaj Asueropaj ñaupajpica ama ashtahuan ricurichun. Shinallataj jatun mandajca, chai huarmipaj randi jatun mandaj huarmi cachunca, chaita yalli alli huarmita churachun nishpa quillcachiyari. Chai mandashcata ama shujtajyachishca cachunca, chai quillcataca Persia, Media shuti llajtacunapi tiyaj mandashcacunapi churachiyari.

ESTER 1:20

Shinallataj can jatun mandaj chashna mandashcataca, can mandacun tucui llajtacunapi huillachiyari. Chashna huillachijpimi, tucui huarmicuna alli nishcacunapurapipish, yangallacunapurapipish paicunapaj cusacunataca cazungacuna– nircami.

ESTER 1:22

Pai mandacun tucui llajtacunapi causajcunamanmi, paicunapaj quiquin rimaicunapi ima shina quillcaj shinallataj quillcachishpa, tucui llajtacunaman cacharca. Chai quillcacunapica, tucui cusacunatami paicunapaj huarmicunata alli cazuchichun mandarca. Shinallataj chai mandashcataca, tucui pueblocunapi causajcunapaj quiquin rimaipimi alli huillachun mandarca.

ESTER 2:4

Chai q'uipaca, can jatun mandaj ashtahuan munashca, ashtahuan sumaj solterata agllashpaca, Vasti shuti huarmipaj randi jatun mandaj cachun churanguillami– nircacunami. Chashna yuyaita cushcaca alli yuyachijpimi, jatun mandajca chashnataj rurarca.