ESTER 1:19 - Dios Rimashca Shimicunami

¹⁹ Chashna cashcamantaca, can jatun mandajpaj yuyaipi alli cajpica, pipish mana shujtajyachipajta cashna mandashpa quillcayari: Vasti shuti jatun mandaj huarmica, jatun mandaj Asueropaj ñaupajpica ama ashtahuan ricurichun. Shinallataj jatun mandajca, chai huarmipaj randi jatun mandaj huarmi cachunca, chaita yalli alli huarmita churachun nishpa quillcachiyari. Chai mandashcata ama shujtajyachishca cachunca, chai quillcataca Persia, Media shuti llajtacunapi tiyaj mandashcacunapi churachiyari.

ESTER 1:19 Iomraidhean Croise

1 REYES 3:28

Jatun mandaj chai p'iñanacuita chashna allichishcataca tucui israelcunami uyarcacuna. Imatapish cashcata rurashpa allichichun jatun mandajman Taita Dios yachaita cushcata ricushpami jatun mandajtaca mancharcacuna.

ESTER 1:18

Persia, Media shuti llajtacunata mandajcunapaj huarmicunapish, jatun mandajpaj huarmi chashna rurashcata cunantaj yachaj chayashpaca, chaita yuyachishpami paicunapaj cusacunataca mana cazui callaringacuna. Chashna mana cazujpica, p'iñanacuimari tiyanga.

ESTER 1:21

Memucán chashna yuyaita cushcaca, jatun mandajpaj yuyaipipish, paiman yuyaita cuj caishuj mandajcunapaj yuyaipipish allimi ricurirca. Chaimantami jatun mandaj Asueroca chashnataj rurarca.

ESTER 2:1

Jatun mandaj Asueroca, chashna quillcachishcamanta tauca punllacuna q'uipami, p'iñarishcamanta alli tucushpa Vasti shuti paipaj huarmita yuyarirca. Shinallataj paita mana cazushcamanta llujshichishcatapishmi yuyarirca.

ESTER 3:9

Chashna cashcamantaca, can jatun mandajpaj yuyaipi alli cajpica, tucui chaicunata huañuchichun mandashpa quillcachiyari. Chaicunata huañuchishcamantaca, can jatun mandajpajmi, mandana huasipi cullquita huaquichijcunamanca, 10.000 talento cullquita cusha– nircami.

ESTER 8:5

–Jatun mandajlla, canta ñuca chashna mañashpaca manapishchari p'iñachircani. Ñuca mañashca alli cajpi, ñucapish can jatun mandajpi alli ricurishca cajpi, cambaj yuyaipipish alli yuyachijpica, tucui ñucanchij judiocunata huañuchichunca amataj saquihuaichu. Ñucanchijta huañuchichun Agagpaj huahua huahuapura Hamedatapaj churi Amán mandashcataca anchuchipaiyari. Can jatun mandaj mandacun tucui llajtacunaman Amán cachashca quillcacunapi mandashcataca anchuchichun mandashpa, shujtaj quillcata rurapai.

ESTER 8:8

Chashna cashcamantaca judiocunata ama huañuchichunca, cancunapaj yuyaipi ima ashtahuan alli cashcata ñuca shutipi quillcaichij. Chai quillcacunapica, ñuca sortijaspi tiyaj sellota churaichij. Jatun mandajpaj shutipi quillcashpa, jatun mandajpajllataj sellota churashpa mandashcataca, mana anchuchipajllachu– nircami.

DANIEL 6:17

Chaipica shuj jatun rumita apamushpami, jutcu punguta tapachirca. Chai rumitaca jatun mandajca paipaj sortijashuanpish, pai churashca mandajcunapaj sortijashuanpishmi sellashpa churarca. Tucuicuna yuyarinacushpa chaipi shitashcamanta, Danielta ama pi llujshichichunmi chashna rurarca.

1 SAMUEL 15:28

Chaimi Samuelca, Saultaca: –Cantapish Mandaj Diosca cunanllatajmi israelcunata mandaj canamanta p'itishpa cambaj llajtallamantataj caj shujtaj canta yalli alli runaman mandachun cun.